ເຈົ້ານະຄອນຫຼວງພະບາງ! ສັ່ງໂຈະແຂ່ງຂັນຊ່ວງເຮືອ ແລະ ໂລະລາດ ໃນງານບຸນຊ່ວງເຮືອເດືອນ9 ທີ່ຫຼວງພະບາງ

ເຈົ້ານະຄອນຫຼວງພະບາງ! ສັ່ງໂຈະແຂ່ງຂັນຊ່ວງເຮືອ ແລະ ໂລະລາດ ໃນງານບຸນຊ່ວງເຮືອເດືອນ9 ທີ່ຫຼວງພະບາງ

August 12, 2020 0 By admin

ເຈົ້ານະຄອນ ຫຼວງພະບາງ  ແຂວງຫຼວງພະບາງ ໄດ້ອອກແຈ້ງການໃນວັນທີ 11 ສິງຫາ 2020 ໂດຍສະເພາະແມ່ນສັ່ງໂຈະການແຂ່ງຂັນຊ່ວງເຮືອ ໃນງານບຸນຊ່ວງເຮືອເດືອນ 9 ປະຈໍາປີ 2020 ຮຽບຮ້ອຍ ເນື່ອງຈາກປີນີ້ໄດ້ພົບກັບຄວາມຫຍຸ້ງຍາກຫຼາຍດ້ານ ໂດຍສະເພາະແມ່ນການລະບາດຂອງ ໂຄວິດ-19;  ແຕ່ຍັງຈະຈັດພິທີທາງສາສະໜາ ໃສ່ບາດຕາມວັດຕາມຮີດຄອງປະເພນີ ແລະ ເງື່ອນໄຂຂອງແຕ່ລະບ້ານ

ໃນແຈ້ງການໄດ້ສັ່ງໂຈະ ແລະ ຈັດຕັ້ງປະຕິບັດບາງກິດຈະກໍາໃນງານບຸນຊ່ວງເຮືອປະຈໍາປີ 2020 ດັ່ງນີ້:
1.ສືບຕໍ່ປະຕິບັດພິທີທາງສາສະໜາ ການໃສ່ບາດຢູ່ວັດວາອາຣາມແມ່ນຕາມອັດທະຍາໄສ ແລະ ເງື່ອນໄຂຂອງແຕ່ລະບ້ານ


2.ໂຈະບໍ່ໃຫ້ມີງານໂລະລາດຢູ່ເສັ້ນທາງການເມືອງ, ມີພຽງແຕ່ງານຕະຫຼາດນັດທີ່ເດີ່ນທາດຫຼວງ ໃນລະຫວ່າງວັນທີ 10-19 ສິງຫາ 2020 ເທົ່ານັ້ນ.

3.ໂຈະການຊ່ວງເຮືອຢູ່ບ້ານຫາດຮ່ຽນ ໂດຍມອບໃຫ້ບ້ານເປັນຜູ້ປະກອບພິທີບູຊາ, ຂອບໄຂ່ວທ່ານໍ້າ ທີ່ເຄີຍປະຕິບັດກັນມາ ແລະ ຈະມີເຮືອ 15 ສີພາຍ 2 ລໍາພາຍລ່ອງລົງມາເພື່ອບູຊາໜ້ານໍ້າ


4.ໂຈະການແຂ່ງຂັນເຮືອຢູ່ສັງຄະໂລກ ໂດຍມອບໃຫ້ບ້ານເປັນຜູ້ປະກອບພິທີບູຊາ, ຂອບໄຂ່ວປາກນໍ້າດົງທີ່ເຄີຍປະຕິບັດກັນມາ ແລະ ຈະມີເຮືອ 15 ສີພາຍ 2 ລໍາພາຍລ່ອງລົງມາເພື່ອບູຊາໜ້ານໍ້າ

5.ໃນມື້ບຸນຊ່ວງເຮືອ ກົງກັບ 18 ສິງຫາ 2020 ຢູ່ທີ່ຍິ່ງຄານແມ່ນຈະໄດ້ໂຈະບໍ່ໃຫ້ມີການແຂ່ງຂັນຊ່ວງເຮືອແບບມວນຊົນ ແລະ ຈະມີພຽງເຮືອນາງດໍາ-ນາງດ່ອນ 1 ຄູ່ ແລະ ເຮືອຊ່ວງປະເພນີ 2 ຄູ່ ຈາກບ້ານຊຽງທອງ, ປ່າຂາມ, ຫາດຮ່ຽນ, ສັງຄະໂລກ ລົງພາຍຕາມຮີດຄອງປະເພດນີ ເພື່ອບູຊາໜ້ານໍ້າ ແລະ ສະຖານທີ່ສັກສິດຕ່າງໆ.
ແຈ້ງການ

ພາບໂດຍ:Houmphet Manisouk