ໂອ​ກາດ​ດີ​ມາ​ຮອດ​ແລ້ວ ! ໂຮງຫມໍກະເສມຣາດ ປະ​ກ​າດຮັບສະຫມັກພະນັກງານຫຼາຍ​ຕຳ​ແໜ່ງ ຄາດພ້ອມເປີດບໍລິການໃນຕົ້ນປີ2021

ໂອ​ກາດ​ດີ​ມາ​ຮອດ​ແລ້ວ ! ໂຮງຫມໍກະເສມຣາດ ປະ​ກ​າດຮັບສະຫມັກພະນັກງານຫຼາຍ​ຕຳ​ແໜ່ງ ຄາດພ້ອມເປີດບໍລິການໃນຕົ້ນປີ2021

August 12, 2020 0 By admin

ໂຮງໝໍກະເສມຣາດອິນເຕີ ອິນເຕີເນຊັນແນລ ນະຄອນຫຼວງວຽງຈັນ ໄດ້ເລັ່ງກໍ່ສ້າງຢ່າງຕໍ່ເນື່ອງ ທ່າມກາງສະພາບທ້າທາຍຈາກບັນຫາການແຜ່ລະບາດພະຍາດໂຄວິດ-19 ເຊິ່ງມີຄວາມຄືບໜ້າຫຼາຍດ້ານ ເຖິງຈະຫຼ້າຊ້າແດ່.

ຫຼ້າສຸດທ່ານນາງວາລີ ເວດສະພົງ ຜູ້ຮ່ວມທຶນຝ່າຍລາວເປີດເຜີຍ ຖິງແມ່ນໂຄວິດ-19 ຈະມີຜົນກະທົບຕໍ່ໂຄງການສ້າງໂຮງຫມໍ ກະເສມຣາດ ໃຫ້ມີຄວາມຊັກຊ້າອອກໄປ ບໍ່ໄປຕາມແຜນທີ່ວາງໄວ້ດ້ານເວລາ. ແຕ່ພວກເຮົາກໍຈະພະຍານາມອົດທົນສືບຕໍ່ລໍຖ້າການຜ່ອນຄາຍຈິງຈັງ ເພື່ອໃຫ້ຊ່ຽວຊານຕ່າງປະເທດ ສາມາດເຂົ້າມາສືບຕໍ່ຕິດຕັ້ງເຄື່ອງມືອຸປະກອນການແພດແລະວຽກງານອື່ນໆທີ່ຍັງຄ້າງຄາໃນຂອດໄກ້ສຸດທ້າຍແລ້ວ

ພ້ອມກ່າວວ່າ: ໂຮງຫມໍກະເສມຣາດ ພວກເຮົາ ຕ້ອງການເພື່ອນຮ່ວມງານ ຫລາຍຕຳແຫນ່ງ ທ່ານໃດສົນໃຈ ຍື່ນໃບສະຫມັກງານ ຕາມລາຍລະອຽດທີ່ໂພສລົງມານີ້ເດີ້ຍັງມີຕໍາແຫນ່ງງານອື່ນໆອີກ ທີ່ຍັງບໍ່ໄດ້ລະບຸທັງຫມົດໃນນີ້ກໍສາມາດຍື່ນສະຫມັກໄດ້ເດີ້

ໂຮງໝໍກະ​ເສມຣາດ ອິນ​ເຕີ​ເນ​ຊັ້ນ​ແນວ ວຽງຈັນ  ໄດ້ເລີ່ມລົງມືກໍ່ສ້າງມາແຕ່ເດືອນພຶດສະພາ ປີ 2018 ໂດຍແບ່ງອອກເປັນ 2 ໄລຍະການກໍ່ສ້າງ, ດ້ານງົບລົງທຶນ 60 ລ້ານໂດລາສະຫະລັດ ຫຼື ປະມານ 480 ຕື້ກີບ, ມີອາຄານທັງໝົດ 4 ຫຼັງ ມີ 38 ຫ້ອງກວດ, 254 ຕຽງນອນ, ເຈົ້າຂອງໂຄງການຢືນຢັນທ້າຍປີ 2020 ນີ້ຈະໃຫ້ສຳເລັດ ແລະ ຄາດວ່າຈະເປີດໃຫ້ບໍລິການຕົ້ນປີ 2021.

.

ຕາມຂໍ້ມູນກ່ອນໜ້ານີ້ໃຫ້ຮູ້ວ່າ: ພາຍຫຼັງທີ່ການກໍ່ສ້າງສຳເລັດສົມບູນໃນທ້າຍປີ 2020 ຈະໃຊ້ເວລາປະມານ 3 ເດືອນ ໃນການທົດສອບລະບົບຕ່າງໆ ເຊັ່ນ: ລະບົບການບໍລິຫານຈັດການ, ພະນັກງານ, ລະບົບໄອທີ ລວມໄປເຖິງລະບົບທຸກຢ່າງໃນໂຮງໝໍແລ້ວຈຶ່ງເປີດໃຫ້ບໍລິການ ບໍ່ເກີນໄຕມາດທຳອິດຂອງປີ 2021.

ສຳລັບໂຮງໝໍກະເສມຣາດ ຄາດວ່າຈະເປັນທາງເລືອກໜຶ່ງຂອງຜູ້ທີ່ມີສັກກະຍະພາບໃນການໃຊ້ຈ່າຍ ຫຼື ຜູ້ມີລາຍຮັບສູງ ໂດຍສະເພາະແມ່ນຜູ້ທີ່ມັກໄປປິ່ນປົວຢູ່ຕ່າງປະເທດ, ລາຄາກໍຈະບໍ່ແພງເກີນໄປ ເຊື່ອວ່າພາຍຫຼັງໂຮງໝໍແຫ່ງນີ້ເປີດບໍລິການແລ້ວຈະຊ່ວຍຫຼຸດຜ່ອນບັນຫາການຂ້າມຂອງໄປປົວຢູ່ຕ່າງປະເທດຫຼາຍຂຶ້ນ.

ທ່ານນາງ ວາລີ ເວດສະພົງ ຍັງໃຫ້ຮູ້ຕື່ມວ່າ: ສ່ວນບຸກຄະລາກອນໃນເບື້ອງຕົ້ນ ຈະນໍາເຂົ້າຊ່ຽວຊານຈາກຕ່າງປະເທດ ແລະ ອາດຈະໃຊ້ເວລາຫຼາຍປີພໍສົມຄວນຈົນ ກວ່າຈະສ້າງຊ່ຽວຊານທີ່ເປັນຄົນລາວໄດ້, ໂຮງໝໍກະເສມຣາດ ຈະໃຫ້ບໍລິການດ້ານສຸຂະພາບແບບຄົບວົງຈອນທີ່ເປັນລະບົບອາຊຽນ ເພື່ອບັນລຸເປົ້າໝາຍໃຫ້ໄດ້ມາດຕະຖານ ເຈຊີໄອ.

ໂຮງໝໍກະເສມຣາດ ຕັ້ງ​ຢູ່​ບ້ານດອນ​ນົກ​ຂຸ້ມ ເມືອງ​ສີ​ສັດ​ຕະ​ນາກ ນະ​ຄອນຫລວງວຽງ​ຈັນ, ເຊິ່ງ​ຈະ​ດຳ​ເນີນ​ການກໍ່​ສ້າງ​ໂດຍ​ການ​ຮັບ​ຮອງ ​ມາດ​ຕະ​ຖານ​ຄຸນ​ນະ​ພາ​ບ ​ສະ​ຖານ​ພະ​ຍາ​ບານ​ລະ​ດັບ​ສາ​ກົນ ຫລື JCI ແລະ ຈາກ​ສະ​ຖາ​ບັນ​ສະ​ຖາ​ປະ​ນິກ​ອາ​ເມ​ລິ​ກັນ (AIA), ໃນດ້ານການ​ໃຫ້​ບໍ​ລິ​ການຈະປະ​ກອບ​ດ້ວຍ: ການ​ບໍ​ລິ​ການ​ຜູ້​ປ່ວຍນອກ, ການ​ບໍ​ລິ​ການ​ຜູ້​ປ່ວຍອຸ​ບັດ​ເຫດ​ສຸກ​ເສີນ, ການ​ບໍ​ລິ​ການ​ຜູ້​ປ່ວຍວິ​ກິດ, ການ​ບໍ​ລິ​ການ​ຜູ້​ປ່ວຍໃນ ແລະ ຂະ​ແໜງ​ສະ​ໜັບ​ສະ​ໜູນ ​ທາງ​ດ້ານ​ການ​ແພດອື່ນໆ ດ້ວຍເຄື່ອງມືທີ່ທັນສະໄໝຄວບຄູ່ກັບຊ່ຽວຊານການແພດທີ່ເຊື່ອຖືໄດ້.

 

ຈາກ: https://www.laothai.net