ມີເສົາໄຟຟ້າຫັກ ຈາກເຫດດິນເຈື່ອນ ຝົນຕົກແຮງທີ່ເມືອງວັງວຽງ

ມີເສົາໄຟຟ້າຫັກ ຈາກເຫດດິນເຈື່ອນ ຝົນຕົກແຮງທີ່ເມືອງວັງວຽງ

August 6, 2020 0 By admin

ລັດວິສາຫະກິດໄຟຟ້າລາວ EDL, ເນື່ອງຈາກເກີດຝົນຕົກໜັກຕິດຕໍ່ກັນເປັນເວລາຫລາຍວັນ,​ໃນວັນທີ 6​ ສິງຫາ 2020 ເວລາ​ 12:00ໂມງ​ ຢູ່ບ້ານນາຄູນ ເມືອງວັງວຽງ​ ແຂວງວຽງຈັນ ໄດ້ເກີດເຫດເສົາໄຟຟ້າຫັກເນື່ອງຈາກດີນເຊາະເຈື່ອນ.

​ເຮັດໃຫ້ລະບົບຕາຂ່າຍ 22​ ກິໂລໂວນ,​ ອຸປະກອນໄຟຟ້າເປ່ເພເປັນຕົ້ນແມ່ນເກີດມີເສົາຫັກຈໍານວນ 1​ຕົ້ນ.

ປະຈຸບັນນີ້ທາງສູນບໍລິການໄຟຟ້າເມືອງວັງວຽງ ທີ່ຂື້ນກັບ ລັດວິສາຫະກີດໄຟຟ້າລາວ ສາຂາແຂວງວຽງຈັນ ແມ່ນລົງກວດກາ ແລະ​ ຈໍາດໍາເນີນການສ້ອມແປງເພື່ອໃຫ້ປະຊາຊົນໄດ້ນໍາໃຊ້ໄຟໃຫ້ໄວທີ່ສຸດ

ຂະນະທີ່ກົມອຸຕຸນິຍົມ ແລະ ອຸທົກກະສາດ ລາຍງານວ່າ: ຮ່ອງຄວາມກົດດັນອາກາດຕໍ່າຍັງພາດຜ່ານຢູ່ເຂດແຂວງພາກເໜືອ ຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ມີກຳລັງແຮງປານກາງຍັງພັດປົກຄຸມເປັນສ່ວນໃຫຍ່  ຊື່ງຈະເຮັດໃຫ້ຝົນຍັງຈະສືບຕໍ່ຕົກປານກາງຫາຕົກໜັກຢູ່ບາງທ້ອງຖີ່ນແຂວງ ພາກເໜືອ ຫາ ພາກກາງ, ສ່ວນພາກໃຕ້ ຍັງຈະມີຝົນຕົກໃນລະດັບຄ່ອຍ.