ວັນທີ 2 ສິງຫາ 2020! ອຸຕຸແຈ້ງເຕືອນຝົນຕົກໜັກ ຈາກອິດທິພົນຂອງພາຍຸຊິນລາກຸ

ວັນທີ 2 ສິງຫາ 2020! ອຸຕຸແຈ້ງເຕືອນຝົນຕົກໜັກ ຈາກອິດທິພົນຂອງພາຍຸຊິນລາກຸ

August 2, 2020 0 By admin

ກົມອຸຕຸນິຍົມ ແລະ ອຸທົກກະສາດ, ພາຍຸຊິນລາກຸ (Sinlaku) ຫົວທີ 3 ໃນເວລາ 7 ໂມງເຊົ້າ ຂອງວັນທີ 02 ສິງຫາ 2020 ມີຈຸດສູນກາງຢູ່ເສັ້ນຂະໜານທີ 19.2 ອົງສາ ເໜືອ ແລະ ເສັ້ນແວງທີ 106.1 ອົງສາຕາເວັນອອກ, ພວມເຄື່ອນທີ່ໄປທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ.

ພາຍຸຫົວນີ້ຈະເຄື່ອນເຂົ້າພາກເໜືອຂອງ ສສ ຫວຽດນາມໃນຕອນເຊົ້າຂອງມື້ນີ້ ແລະ ຈະສືບຕໍ່ຜ່ານເຂດແຂວງ ຜົ້ງສາລີ, ຫົວພັນ, ຊຽງຂວາງ, ຫຼວງນໍ້າທາ, ອຸົດມໄຊ, ບໍ່ແກ້ວ, ຫຼວງພະບາງ, ໄຊຍະບູລີ, ວຽງຈັນ, ບໍລິຄຳໄຊ, ຄໍາມ່ວນ ແລະ ສະຫວັນນະເຂດ, ນັບທັງນະຄອນຫຼວງວຽງຈັນ, ຊຶ່ງຈະເຮັດໃຫ້ມີຝົນຕົກໜັກ ຫາ ຕົກໜັກຫຼາຍຢູ່ເຂດພາກເໜືອ ຫາ ພາກກາງຂອງປະເທດລາວ.ສ່ວນພາກໃຕ້ ຈະມີຝົນຕົກໃນລະດັບຄ່ອຍຫາປານກາງ.

ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ, ອົງການປົກຄອງທຸກພາກສ່ວນໃຫ້ມີສະຕິລະມັດລະວັງຕໍ່ສະພາບລົມພັດແຮງ, ຝົນຕົກໜັກທີ່ຈະເຮັດໃຫ້ເກີດມີ ຟ້າຜ່າ, ນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນໃນໄລຍະ ວັນທີ 2 ຫາ 4 ສິງຫາ 2020.

ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ.

ສະພາບອາກາດປະຈຳວັນທີ2 ສິງຫາ 2020

.

.

.