ເຊີນຮ່ວມ​ເຮັດບຸນ ສ້າງ​ພຣະ​ໃຫຍ່ປາງ​ສະ​ມາ​ທິ  ບ້ານ​ເຮືອນ​ຫີນ ເມືອງໄຊພູທອງ ປັດຈຸບັນຫາກໍຄືບໜ້າ30%

ເຊີນຮ່ວມ​ເຮັດບຸນ ສ້າງ​ພຣະ​ໃຫຍ່ປາງ​ສະ​ມາ​ທິ ບ້ານ​ເຮືອນ​ຫີນ ເມືອງໄຊພູທອງ ປັດຈຸບັນຫາກໍຄືບໜ້າ30%

July 30, 2020 0 By admin

ສະຫວັນພັດທະນາ ຂ່າວ / Savanhphathana News, ຍາ​ທ່ານ ສີພັນດອນ ຄຳຜົນ ບຸນໂຕ ເຈົ້າອະທິການວັດສາຍ ລົມນິເວດ ບ້ານ​ເຮືອນຫີນ(ຄຸ້ມ ດົງໝາກມີ້ຫວານ) ແລະທ່ານ ຄຳພາ ສິງຫາລາດ ເລຂາພັກ ບ້ານເຮືອນຫີນ ເມືອງໄຊພູທອງ ແຂວງສະຫວັນນະເຂດ ພ້ອມ ດ້ວຍອອກຕົນຍາດໂຍມນ້ອຍ -ໃຫຍ່, ຍິງ-ຊາຍ, ເຫັນພ້ອມ ກັນສ້າງພຣະພຸດທະຮູບປາງ ສະມາທິໃນຄັ້ງວັນທີ 01/06/ 2018 ໂດຍ​ໄດ້​ຮັບ​ການເຫັນດີ ​ຈາກ​ພາກ​ສ່ວນ​ທີ່​ກ່ຽວຂ້ອງ​ ທັງ​ຂັ້ນ​ເມືອງ ແລະ​ແຂວງ.

ພຣະພຸດ​ທະ​ຮູບມີລວງສູງ ຈາກ ໜ້າດິນຈົນ ເຖິງຍອດເກສາ25 ແມັດ, ຄວາມສູງຂອງອົງພຣະ 21 ແມັດ, ໜ້າຕັກ 18 ແມັດ, ແຖ່ນພຣະກວ້າງ 18 ແມັດ, ແຖ່ນບົວສອງຊັ້ນ, ມີ 3 ແມັດ ແລະ1,5 ແມັດ, ໃນປະຈຸບັນ ນອກ ຈາກກຳລັງສ້າງອົງພຣະ ແລ້ວ, ທາງວັດຍັງໄດ້ມີການ ສ້າງທາງຄອນ ກີດເຂົ້າຫາພຣະ ໃຫຍ່ໄລຍະທາງ 1.700 ແມັດ ເລີ່ມຈາກສີ່ແຍກໜ້າວັດເຮືອນຫີນ

ໂດຍມີຜູ້ປະກອບສ່ວນປະ ສົງອອກນາມສ້າງພຣະໃຫຍ່ຄື: ທ່ານ ສຸກສະຫວັນ-ນາງ ໄກ ແກ້ວ ບຸດຈັນທະລາດ ບ້ານປາກ ຊ່ອງ 3 ແສນບາດ, ທ່ານ ອ້ວນ- ນາງ ໂອ ບ້ານນາຍູງ 1 ແສນບາດ, ທ່ານ ກອນ – ນາງ ວັນ ເຫຼົ່າໝາກຫູດ 60 ພັນບາດ, ທ່ານ ພອນມີໄຊ-ນາງ ພິມມະ ສອນ ກາບແກ້ວໄສສອນ 40 ພັນບາດ, ທ່ານ ທົງ- ນາງ ອຳມະລາ ເມືອງພີນ 30 ພັນ ບາດ , ທ່ານ ສຸວັນນະ-ນາງ ຂັນທະມາລາ ບຸນມີໄຊ 20 ພັນບາດ, ທ່ານ ຈັນເພັງ-ນາງ ແກ້ວ ລືມົນຕີ 1.020 ໂດ ລາສະຫະລັດ ລວມມູນຄ່າ 6 ແສນບາດ.

ນອກນີ້ຍັງມີອອກ ຕົນຍາດໂຍມທັງໃກ້ ແລະໄກ ທີ່ມີຈິດໃຈເຫຼືອມໃສສັດທາກໍ່ ໄດ້ຖະຍອຍຫຼັ່ງໄຫຼມາບໍ່ລິຈາກ ຢ່າງບໍ່ຂາດສາຍໃນແຕ່ລະວັນ, ການກໍ່ສ້າງອົງພຣະປະຈຸບັນ ນີ້ສຳເລັດແລ້ວ 30 % ຍັງບໍໍ່ ມີກຳນົດວ່າຈະສຳເລັດຍາມ ໃດ ເພາະອີງໃສ່ການປະກອບ ສ່ວນ ແລະກຳລັງສັດທາຂອງ ພຸດທະສານິກະຊົນ.

ທັງນີ້ກໍ່ເພື່ອເປັນບ່ອນເຄົາລົບບູຊາທາງ ພຸດທະສາສະໜາ, ເຮັດໃຫ້ ລູກຫຼານຜູ້ເກີດໃໝ່ໃຫຍ່ລຸນ ໄດ້ຮູ້, ໄດ້ເຫັນໄດ້ສັກກາລະ ບູຊາ ແລະປົກປັກຮັກສາຮີດ ຄອງຂະນົບທຳນຽມອັນດີ ງາມຂອງຊາດ ແລະທັງເປັນ ບ່ອນສັກກາລະບູຊາຂອງຊາວ ພຸດທະສານິກະຊົນທົ່ວໆໄປທີ່ ມາທ່ອງທ່ຽວວັດສາຍລົມນິ ເວດ ບ້ານເຮືອນຫີນ (ຄຸ້ມດົງ ໝາກມີຫວານ) ເມືອງໄຊພູ ທອງ ແຂວງສະຫວັນນະເຂດ ຂໍເຊີນມາຮ່ວມປົກປັກຮັກສາ ແລະສ້າງສາພັດທະນາພຸດທະ ສະໜາຮ່ວມກັນ.

.