ເຈົ້າເມືອງອາດສະພອນ ລົງຕິດຕາມການສ້ອມແປງເສັ້ນທາງຄືນກ່ອນຈະຢຸດໂຄງການຊົ່ວຄາວໃນຊ່ວງລະດູຝົນ

ເຈົ້າເມືອງອາດສະພອນ ລົງຕິດຕາມການສ້ອມແປງເສັ້ນທາງຄືນກ່ອນຈະຢຸດໂຄງການຊົ່ວຄາວໃນຊ່ວງລະດູຝົນ

June 18, 2020 0 By admin

ໃນວັນທີ 16 ມິຖຸນາ 2020ນີ້ ທ່ານ ຄຳແພງ ເພັດທຸມພອນ ກຳມະການພັກແຂວງ ເລຂາພັກເມືອງ ເຈົ້າເມືອງອາດສະພອນ ພ້ອມດ້ວຍຫົວໜາຫ້ອງການ ໂຍທາທິການ ແລະຂົນສົ່ງເມືອງ ໄດ້ລົງກວດກາ ການສ້ອມແປງເສັ້ນທາງຄືນ ກ່ອນທີ່ຈະຢຸດໂຄງການຊົ່ວຄາວໃນຊ່ວງລະດູຝົນນີ້.

ປະກອບມີໂຄງການກໍ່ສ້າງເສັ້ນທາງປູຢາງ 2 ເສັ້ນຄື: ຈາກເທສະບານເມືອງອາດສະພອນ ຫາທາງເລກທີ 10 ມີຄວາມຍາວ 24,49 ກມ ແລະ ຈາກເທສະບານເມືອງຫາທາງເລກທ9 ມີຄວາມຍາວ 24,5 ກມ ເຊິ່ງທາງບໍລິສັດຜູ້ຮັບເໝົາກໍ່ສ້າງຄື ກຸ່ມບໍລິສັດ ຄູນໄຊພັດທະນາ ຈຳກັດ ຈະໄດ້ຢຸດການກໍ່ສ້າງຊົ່ວຄົວ ໃນຊ່ວງລະດູຝົນຄື ທ້າຍເດືອນມິຖຸນາ ຮອດ ຕົ້ນເດືອນຕຸລາ.

ດັ່ງນັ້ນ ຈຶ່ງໄດ້ມີການສ້ອມແປງເສັ້ນທາງຄືນ ເພື່ອບໍ່ໃຫ້ເສັນທາງເປ້ເພຫຼາຍໃນຊ່ວງລະດູຝົນນີ້ ໂດຍໃດ້ມີການປັບໜ້າທາງ, ຮ່ອງລະບາຍນ້ຳ ແລະ ສ້ອມແປງຂົວບາງແຫ່ງ ທີ່ເປ້ເພໃຫ້ນຳໃຊ້ໃດ້, ທັງນີ້ ກໍ່ເພື່ອເຮັດໃຫ້ພໍ່ແມ່ປະຊາຊົນທີ່ຊົມໃຊ້ເສັ້ນທາງ ສາມາດສັນຈອນໄປມາສະດວກຂື້ນໃນລະດູຝົນປີນີ້.

ໃນການລົງຕິດຕາມກວດກາຄັ້ງນີ້ ທ່ານເຈົ້າເມືອງຍັງໄດ້ຊີ້ນຳໃຫ້ວິຊາການຕິດຕາມ ໂດຍສະເພາະ ຫ້ອງການ ຍທຂ ເມືອງເອົາໃຈໃສ່ຕິດຕາມການກໍ່ສ້າງສ້ອມແປງ ໃຫ້ມີກວດກາລະອຽດ ເພື່ອໃຫ້ການກໍ່ສ້າງ ແລະ ສ້ອມແປງໄດ້ມາດຕະຖານ

ຂ່າວ: ຫ້ອງການ ຖວທ ອາດສະພອນ