ແຕ່ງຕັ້ງ ພັອ ຄຳຈັນ ແສງລາວົງ ເປັນຫົວຫນ້າກອງບັນຊາການປ້ອງກັນຄວາມສະຫງົບແຂວງຜົ້ງສາລີ

ແຕ່ງຕັ້ງ ພັອ ຄຳຈັນ ແສງລາວົງ ເປັນຫົວຫນ້າກອງບັນຊາການປ້ອງກັນຄວາມສະຫງົບແຂວງຜົ້ງສາລີ

July 29, 2020 0 By admin

Media Laos, ພິທີປະກາດແຕ່ງຕັ້ງ ຫົວຫນ້າກອງບັນຊາການປ້ອງກັນຄວາມສະຫົງບແຂວງຜົ້ງສາລີ ໄດ້ຈັດຂຶ້ນໃນຕອນເຊົ້າວັນທີ29 ກຳລະກົດ 2020ນີ້ ທີ່ສະໂມສອນກອງບັນຊາການປ້ອງກັນຄວາມສະຫງົບ ແຂວງຜົ້ງສາລີ ໂດຍການເປັນປະທານຮ່ວມຂອງ ທ່ານ ພົຈວ ສຸວັນນີ ສີສຸພາບມີໄຊ ຮອງກົມໃຫຍ່ການເມືອງກະຊວງປ້ອງກັນຄວາມສະຫງົບ ແລະ ທ່ານ ບົວທອງ ອຸ່ແສງຄຳ ຮອງເລຂາພັກແຂວງ, ປະທານສະພາປະຊາຊົນແຂວງ;

ເຂົ້າຮ່ວມມີທ່ານ ພັອ ຄຳພອນ ແສງສາລິຈັນ ຮອງກົມຈັດຕັ້ງ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ; ມີທ່ານ ພັອ ຄຳຈັນ ແສງລາວົງ ຫົວຫນ້າກອງບັນຊາການປ້ອງກັນຄວາມສະຫງົບແຂວງຜົ້ງສາລີ, ມີຄະນະກອງບັນຊາການ, ແຂກເຊີນ, ຄະນະຫ້ອງ, ກອງບັນຊາການປ້ອງກັນຄວາມສະຫງົບ 7 ເມືອງ,ນາຍ ແລະ ພົນຕຳຫລວດທົ່ວກອງບັນຊາການປ້ອງກັນຄວາມສະຫງົບແຂວງເຂົ້າຮ່ວມ.


ໃນພິທີຜູ້ເຂົ້າຮ່ວມໄດ້ຮັບຟັງການຜ່ານດຳລັດຂອງນາຍົກລັດຖະມົນຕີ ເລກທີ 400/ນຍ ລົງວັນທີ 10 ກໍລະກົດ 2020 ວ່າດ້ວຍການແຕ່ງຕັ້ງຫົວຫນ້າກອງບັນຊາການປ້ອງກັນຄວາມສະຫງົບແຂວງຜົ້ງສາລີ ໂດຍແຕ່ງຕັ້ງທ່ານ ພັອ ຄຳຈັນ ແສງລາວົງ ເປັນຫົວຫນ້າກອງບັນຊາການປ້ອງກັນຄວາມສະຫງົບແຂວງຜົ້ງສາລີ.


ໂອກາດນີ້ ທ່ານ ພົຈວ ສຸວັນນີ ສີສຸພາບມີໄຊ ຮອງກົມໃຫຍ່ການເມືອງກະຊວງປ້ອງກັນຄວາມສະຫງົບ ໄດ້ເນັ້ນຫນັກໃຫ້ຜູ້ຖືກແຕ່ງຕັ້ງ, ຄະນະກອງບັນຊາການ, ນາຍ ແລະ ພົນຕຳຫລວດ ເອົາໃຈໃສ່ສຶກສາອົບຮົມການເມືອງແນວຄິດເປັນກົກ, ຊີ້ນຳໆພາການເຮັດວຽກປະຕິບັດຫນ້າທີ່ວິຊາສະເພາະໃຫ້ມີຄຸນນະພາບສູງກວ່າເກົ່າ, ປຸກລະດົມທົວປວງຊົນເຂົ້າຮ່ວມປ້ອງກັນຄວາມສະຫງົບ ໃຫ້ກາຍເປັນຫນ້າທີ່ຂອງຫມົດທຸກຄົນ; ປະຕິບັດນະໂຍບາຍໃຫ້ພະນັກງານນັກຮົບພາຍໃນກຳລັງ, ເຮັດວຽກງານການຕ່າງປະເທດຕາມແນວທາງຂອງພັກ ໂດຍສະເພາະຮ່ວມືກັບ ສສ ຫວຽດນາມ ແລະ ສປ ຈີນ ເພື່ອຍາດແຍ່ງທືນຮອນ, ບົດຮຽນ ແລະ ປະສົບການ;

ປັບປຸງພື້ນຖານໂຄງລາງກອງບັນຊາການໃຫ້ຕອບສະຫນອງໄດ້ຕາມຄວາມຮຽກຮ້ອງຕ້ອງການຂອງວຽກງານ; ເອົາໃຈໃສ່ປັບປຸງແບບແຜນວິທີບັນຊາ-ນຳພາຂອງຄະນະພັກແຕ່ລະຂັ້ນ; ສ້າງຄວາມສາມັກຄີພາຍໃນ ແລະ ພາຍນອກໃຫ້ແຫນ້ນແຟ້ນ ເພື່ອພ້ອມກັນປ້ອງກັນຄວາມສະຫງົບ ທົ່ວແຂວງຜົ້ງສາລີ ໃຫ້ມີຄວາມເປັນລະບຽບຮຽບຮ້ອຍດີ.