ການນໍາເມືອງເຊໂປນລົງເກັບກໍາຂໍ້ມູນ, ປະເມີນຄວາມເສຍຫາຍ ແລະ ຊອກວິທີແກ້ໄຂຜົນກະທົບ ຈາກເຫດການໄຟໄໝ້ຕະຫຼາດບ້ານແດນສະຫວັນ

ການນໍາເມືອງເຊໂປນລົງເກັບກໍາຂໍ້ມູນ, ປະເມີນຄວາມເສຍຫາຍ ແລະ ຊອກວິທີແກ້ໄຂຜົນກະທົບ ຈາກເຫດການໄຟໄໝ້ຕະຫຼາດບ້ານແດນສະຫວັນ

July 29, 2020 0 By admin

Media Laos, ຕອນເຊົ້າວັນທີ28 ກໍລະກົດ2020 ເວລາ 8:45ນາທີ, ທີ່ຫ້ອງປະຊຸມຫ້ອງການພາສີແດນສະຫວັນ, ໄດ້ມີກອງປະຊຸມປຶກສາຫາລື ການລົງເກັບກໍາຂໍ້ມູນ, ປະເມີນຄວາມເສຍຫາຍ ແລະ ຊອກວິທີແກ້ໄຂຜົນກະທົບ ຈາກເຫດການໄຟໄໜ້ຕະຫຼາດບ້ານແດນສະຫວັນ ເມືອງເຊໂປນ ແຂວງສະຫວັນນະເຂດ.

ໂດຍການຊີ້ນໍາຂອງ ທ່ານ ວົງສະຫວັນ ວຽງມະນີເຈົ້າເມືອງເຊໂປນ  ໄດ້ມອບໝາຍໜ້າທີ່ໃຫ້ຂະແໜງການທີ່ກ່ຽວຂ້ອງ, ປະສານສົບທົບອໍານາດການປົກຄອງບ້ານ, ດ່ານ ຕໍມໍ, ດ່ານພາສີ, ເຂດການຄ້າແດນສະຫວັນ, ລົງກວດກາ ແລະ ເກັບກຳຂໍ້ມູນ ປະເມີນຜົນເສຍຫາຍຈາກອັກຄີໄພ ຕະຫຼາດບ້ານແດນສະຫວັນ ເມືອງເຊໂປນ, ຊອກຫາຈັດສັນຕະຫຼາດຊົ່ວຄາວ ເພື່ອໃຫ້ປະຊາຊົນຄ້າຂາຍ ພືດ, ຜັກ, ອາຫານສົດ-ແຫ້ງ.

ສຳລັບຮ້ານຄ້າຂາຍເສື້ອຜ້າ, ຂາຍສິນຄ້າອື່ນທີ່ຈຳເປັນຕ້ອງໄດ້ມີຫ້າງຮ້ານແໜ້ນໜາ ແມ່ນຈະໄດ້ຄົ້ນຄວ້າພາຍຫຼັງ, ສະຖານທີ່ ຕະຫຼາດຊົ່ວຄາວນັ້ນຕ້ອງມີໄຟຟ້າ, ນໍ້າໃຊ້, ຫ້ອງນ້ຳ, ມີຄວາມປອດໄພ, ສຳລັບ ສິ່ງເສດເຫຼືອ ຫຼື ຂີ້ເຫຍື່ອ ການອານາໄມຕ່າງໆແມ່ນໃຫ້ທາງບ້ານແດນສະຫວັນ ຈະເປັນຜູ້ຮັບຜິດຊອບ.


ເຊິ່ງຜ່ານການລົງຈັດຕັ້ງປະຕິບັດເກັບກຳຂໍ້ມູນເບີື້ອງຕົ້ນເລີ່ມແຕ່ເວລາ 11:00 ນາທີ ເຖິງ ເວລາ 15:30 ນາທີ ສາມາດເກັບກຳຂໍ້ມູນໂດຍຫຍໍ້ ລາຍລະອຽດດັ່ງນີ້: ຂໍ້ມູນການເສຍຫາຍເບື້ອງຕົ້ນ ໃນເນື້ອທີ່ 8098 ຕາແມັດ ຮ້ານຄ້າທີ່ຮັບຜົນເສຍຫາຍເບື້ອງຕົ້ນຈຳນວນຈຳນວນ 53 ຮ້ານ ເຂົ້າມາລາຍງານແລ້ວ 30 ຮ້ານ ມູນຄ່າເສຍຫາຍປະມານ 4.320.000.000 ກີບ, ຍັງບໍ່ທັນມາລາຍງານຄວາມເສຍຫາຍ ຈຳນວນ 23 ຮ້ານD


ໃນນັ້ນຄົນລາວເປັນເຈົ້າຂອງຮ້ານໃຫ້ເຊົ່າ ແລະ ຢູ່ເອງ ມີ 19 ຄົນ, ຮ້ານຂາຍເຄື່ອງຄົນລາວຈຳນວນ 17 ຫ້ອງຄ້າ, ຮ້ານຂາຍເຄື່ອງຄົນຫວຽດນາມ ຈຳນວນ 35 ຫ້ອງຄ້າ, ຮ້ານຂາຍເຄື່ອງຄົນຈີນ ຈຳນວນ 1 ຫ້ອງຄ້າ, ເຮືອນປະຊາຊົນ ຈຳນວນ 11 ຫຼັງ.

ສ່ວນສາຍເຫດ ການເກີດອັກຄີໄຟ ແມ່ນຢູ່ໃນຂັ້ນຕອນຂອງການສືບສວນສອບສວນ ຂອງເຈົ້າໜ້າທີ່ຕໍາຫຼວດ ຈະໄດ້ປິດກັ້ນບໍ່ລິເວນພື້ນທີ່ດັ່ງກ່າວ ຫ້າມບໍ່ໃຫ້ບຸກຄົນເຂົ້າໄປ, ຈົນກວ່າຈະສໍາເລັດຕາມຂະບວນການທາງດ້ານວິຊາສະເພາະ ແລະ ໃດ້ຮັບອະນຸຍາດຈາກເຈົ້າໜ້າທີ່ເທົ່ານັ້ນ.
ຂ່າວໂດຍ: ເສີມໄຊ ເທບທານີ