ອຸຕຸເຕືອນ! ກຽມຮັບມືຝົນຕົກໜັກລະຫວ່າງວັນທີ 29 ກໍລະກົດ ຫາ 2 ສິງຫາ ທົ່ວທຸກພາກ

ອຸຕຸເຕືອນ! ກຽມຮັບມືຝົນຕົກໜັກລະຫວ່າງວັນທີ 29 ກໍລະກົດ ຫາ 2 ສິງຫາ ທົ່ວທຸກພາກ

July 28, 2020 0 By admin

ໄລຍະວັນທີ 29 ກໍລະກົດ ຫາ 2 ສິງຫານີ້ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ລົງຫາ ພາກກາງ ແລະ ພາກໃຕ້ ຂໍໃຫ້ພໍ່ແມ່ປະຊາຊົນມີສະຕິ.


ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກບົດລາຍງານ ເລກທີ 0994/ກອຕທ, ນະຄອນຫຼວງວຽງຈັນ, ວັນທີ 27 ກໍລະກົດ 2020 ຄາດຄະເນສະພາບອາກາດ ໃນໄລຍະວັນທີ 27 ກໍລະກົດ ຫາ 2 ສິງຫາ 2020 ວ່າ: ໃນໄລຍະວັນທີ 27 ກໍລະກົດ ຫາ 29 ສິງຫານີ້ ຄວາມກົດດັນອາກາດຕໍ່າຂອງອາກາດຮ້ອນຈະມີກໍາລັງອ່ອນ ຫາ ປານກາງປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມມໍລະສູມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດຮ້ອນ ແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍໃນແຕ່ລະພາກ.

ຈາກນັ້ນວັນທີ 30 ກໍລະກົດ ຫາ 2 ສິງຫາ ລົມມໍລະສຸມຕາເວັນຕົກສ່ຽງໃຕ້ຈະມີກໍາລັງປານກາງ ຫາ ແຮງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ຕົກໜັກ ຢູ່ບາງທ້ອງຖິ່ນແຂວງພາກເໜືອ ລົງຫາພາກກາງ ແລະ ພາກໃຕ້ ພ້ອມຈະມີລົມພັດແຮງເປັນບາງໂອກາດ.

ພ້ອມດຽວກັນນີ້, ກົມອຸຕຸນິຍົມ ແລະ ອຸທົກກະສາດ ຍັງມີຄຳເຕືອນໃນໄລຍະວັນທີ 29 ກໍລະກົດ ຫາ 2 ສິງຫາ 2020 ລົມມໍລະສຸມຕາເວັນຕົກສ່ຽງໃຕ້ຈະມີກໍາລັງແຮງເພີ່ມຂື້ນພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ເກີດມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ຕົກໜັກ ແລະ ມີລົມພັດແຮງຢູ່ບາງທ້ອງຖິ່ນແຂວງພາກເໜືອ ລົງຫາ ພາກກາງ ແລະ ພາກໃຕ້. ດັ່ງນັ້ນ, ຈຶ່ງແຈ້ງເຕືອນໃຫ້ພໍ່ແມ່ປະຊາຊົນຈົ່ງມີສະຕິ ຕໍ່ສະພາບຝົນຕົກໜັກ, ຝົນຕົກສະສົມມີລົມພັດແຮງ ທີ່ອາດຈະເກີດມີນ້ຳຖ້ວມຊູ ແລະ ດິນເຈື່ອນເກີດຂຶ້ນໄດ້. ແລະ ຈະ