ທ່ານ ຈອມແພງ ວິໄລສານ ຂຶ້ນເປັນຫົວໜ້າພະແນກແຜນການ ແລະ ການລົງທືນແຂວງບໍ່ແກ້ວ

ທ່ານ ຈອມແພງ ວິໄລສານ ຂຶ້ນເປັນຫົວໜ້າພະແນກແຜນການ ແລະ ການລົງທືນແຂວງບໍ່ແກ້ວ

July 28, 2020 0 By admin

ໜັງສືພິມບໍ່ແກ້ວ Bokeo Newspaper, ໃນວັນທີ 27 ກໍລະກົດ 2020 ຢູ່ພະແນກແຜນການ ແລະ ການລົງທືນແຂວງບໍ່ແກ້ວ ໄດ້ມີພິທີເຊັ່ນບົດບັນທຶກມອບ-ຮັບຫົວໜ້າ ພະແນກແຜນການ ແລະ ການລົງທຶນແຂວງບໍ່ແກ້ວ ລະຫວ່າງ ທ່ານ ບົວສະຫວາດ ອິນທະວັນ ຜູ້ເກົ່າ ແລະ ທ່ານ ຈອມແພງ ວິໄລສານ ຜູ້ໃຫມ່ ໂດຍການເຂົ້າຮ່ວມເປັນສັກຂີພິຍານຂອງທ່ານ ຄຳກິ່ງ ເອືອຍມະນີຮັກ ຮອງເລຂາພັກແຂວງ ຮອງເຈົ້າແຂວງບໍ່ແກ້ວ, ມີການນຳແຂວງ, ຫົວໜ້າພະແນກ, ຮອງພະແນກ, ຂະແໜງການ ພະນັກງານ-ລັດຖະກອນພາຍໃນພະແນກແຜນການ ແລະ ການລົງທຶນແຂວງເຂົ້າຮ່ວມ.


ທ່ານ ສົມບູນ ໄຊສາມາດ ຮອງຄະນະຈັດຕັ້ງແຂວງ ຂື້ນຜ່ານຂໍ້ຕົງລົງຂອງທ່ານເຈົ້າແຂວງວ່າ:ຕົກລົງເຫັນດີໃຫ້ທ່ານ ຈອມແພງ ວິໄລສານ ຮອງຫົວໜ້າພະແນກແຜນການ ແລະ ການລົງທືນແຂວງ ມາເປັນຫົວໜ້າພະແນກແຜນການ ແລະ ການລົງທືນແຂວງບໍ່ແກ້ວ ແລະ ຕົກລົງເຫັນດີໃຫ້ທ່ານ ບົວສະຫວາດ ອິນທະວັນ ຍົກຍ້າຍໄປຮັບພິດຊອບໜ້າທີ່ບ່ອນໃຫມ່ ຢູ່ກະຊວງແຜນການ ແລະ ການລົງທືນ.


ທ່ານ ຄຳກິ່ງ ເອືອຍມະນີຮັກ ຍັງໄດ້ເນັ້ນໜ້າໃຫ້ຫົວໜ້າພະແນກແຜນການ ແລະ ການລົງທືນແຂວງທີມາຮັບຕຳແໜງໃຫມ່ ແລະ ຜູ້ເກົ່າທີ່ຈະສືບຕໍ່ຍົກຍ້າຍໄປຮັບໜ້າທີ່ບ່ອນໃຫມ່ນີ້ ແມ່ນໃຫ້ຖືເອົາການສຶກສາອົບຮົບການເມືອງ – ແນວຄິດໃຫ້ຖັນແຖວສະມາຊິກພັກພະນັກງານລັດຖະກອນພາຍໃນພະແນກໃຫ້ກຳແໜ້ນຕໍ່ແນວທາງຂອງພັກ – ລັດ, ມີແບບແຜນວິທີເຮັດວຽກ.

ເປັນຕົ້ນແມ່ນວຽກບັນດາໂຄງການຕ່າງທັງພາຍໃນ ແລະ ຕ່າງປະເທດທີ່ເຂົ້າມາລົງທຶນພາຍໃນແຂວງ ຈະຕ້ອງມີການປະເມີນ, ມີການກວດ, ມີຕີລະຄືນ ທັງນີ້ ກໍ່ເພື່ອຈະນຳເອົາຈຸດອອນ ແລະ ຂໍ້ຄົງຂ້າງ ນຳມາປັບປຸງ ແລະ ແກ້ໄຂ້ເປັນແຜນງານໃນສຸມປີຕໍ່ໜ້າ ໃຫ້ສອງຄອງກັບລະບຽບຂອງກະຊວງແຜນການ ແລະ ການລົງທືນ ໄດ້ວາງອອກ ແລະ ໃຫ້ຖືກກັບສະພາບແວດລ້ອມໃນໄລຍະພະຍາດໂຄວິດ 19 ແຜ່ລະບາດຕາມຄວາມເປັນຈິງ.

ຂ່າວ – ພາບ: ບຸນເພັດ ໄຊຍະວົງ