ເຈົ້າ​ແຂວງ​ສະ​ຫວັນ​ນະ​ເຂດ ​ ລົງຊຸກຍູ້ການປູກໝາກ​ກ້ຽງ​ຂອງ​ປະ​ຊາ​ຊົນ​ບ້ານ​ນາ​ຫອຍ ເມືອງວິ​ລະ​ບູ​ລີ

ເຈົ້າ​ແຂວງ​ສະ​ຫວັນ​ນະ​ເຂດ ​ ລົງຊຸກຍູ້ການປູກໝາກ​ກ້ຽງ​ຂອງ​ປະ​ຊາ​ຊົນ​ບ້ານ​ນາ​ຫອຍ ເມືອງວິ​ລະ​ບູ​ລີ

July 28, 2020 0 By admin

ທ່ານ ສັນຕິພາບ ພົມວິຫານ ເຈົ້າແຂວງສະຫວັນ ນະເຂດ ພ້ອມຄະນະໄດ້ລົງຢ້ຽມ ຢາມເບິ່ງສວນໝາກກ້ຽງ ແລະ ໝາກນາວຂອງປະຊາຊົນເຂດ ບ້ານນາຫອຍ ເມືອງວິລະບູລີ ເມື່ອບໍ່ດົນມານີ້ ໂດຍການພາທາງຂອງທ່ານ ຄຳຜຸຍ ສີບຸນເຮືອງ ເຈົ້າເມືອງ ວິລະບູລີ.


ທ່ານ ໄຊສະຫວາດ ໄຊຍະ ລາດ ວິຊາການບໍລິສັດໄອເຣິນ ບາກລາວ ໄດ້ກ່າວໃຫ້ຮູ້ວ່າ: ບໍລິ ສັດໄອເຣິນບາກລາວມີບໍລິສັດ ແມ່ຢູ່ປະເທດອົດ​ສະ​ຕາ​ລີ ໂດຍ ໄດ້ເລີ່ມມາສົ່ງເສີມໃຫ້ປະ ຊາຊົນປູກໝາກກ້ຽງຢູ່ທີ່ເມືອງ ວິລະບູລີ ເພື່ອສົ່ງຈຳໜ່າຍໃຫ້ບໍ່ ຄຳ ແລະຂາຍພາຍໃນເມືອງໃຫ້ ພຽງພໍ, ຖ້າຫາກວ່າຜົນຜະລິດ ໄດ້ຫຼາຍກໍ່ມີແຜນຈະສົ່ງຂາຍ ທັງພາຍໃນແຂວງ ແລະຕ່າງ ແຂວງອີກດ້ວຍ ເຊິ່ງໄດ້ທົດ ລອງປູກໃນປີ 2015, ມີ 1.000 ຕົ້ນ ໂດຍການສົ່ງເສີມໃຫ້ປະຊາ ຊົນປູກແບບ 2+3 ຄື: ປະຊາ ຊົນມີດິນ ແລະແຮງງານ, ສ່ວນ ບໍລິສັດແມ່ນສະໜອງແນວພັນ, ອາຫານເສີມ ແລະຢາປ້ອງ ກັນແມງໄມ້, ປະຈຸບັນມີປະຊາ ຊົນ 7 ບ້ານຂອງ ເມືອງວິລະບູລີ ທີ່ປູກໝາກກ້ຽງຂອງບໍລິສັດຄື: ບ້ານແກ້ງເກິກ, ນາຫອຍ, ວັງທ່າຄວາຍ, ບຸ່ງຄຳ, ລາດ ແດງໃຫຍ່, ກົກໝາກ ແລະບ້ານ ນ້ຳປາເຄນ; ມີທັງໝົດ 54 ຄອບຄົວ ມີເນື້ອທີ່ 76 ເຮັກຕາ ມີຕົ້ນໝາກກ້ຽງ 38.000 ຕົ້ນ, ສະເພາະບ້ານນາຫອຍ ແມ່ນມີ 34 ຄອບຄົວ ມີ 56 ເຮັກຕາ, ນອກນັ້ນ ກໍ່ໄດ້ປູກໝາກນາວ ສັບແຖວກັບໝາກກ້ຽງ ເຊິ່ງ ມີທັງໝົດ 5.000 ຕົ້ນ.

ທ່ານ ໄຊສະຫວາດ ບອກໃຫ້ຮູ້ຕື່ມ ອີກວ່າ: ສຳລັບໝາກກ້ຽງປີທີ 3 ກໍ່ສາມາດເກັບຂາຍ ໄດ້ ຈົນເຖິງ 25 ປີ ຫຼັງຈາກນັ້ນ ກໍ່ຕັດຕໍ່ກິ່ງໃໝ່ ແລະສາມາດຂາຍໄດ້ອີກໃນ 3 ປີຕໍ່ໜ້າ; ຖ້າຫາກວ່າປູກຖືກ ຕ້ອງຕາມເຕັກນິກວິຊາການ, ມີນ້ຳພຽງພໍໃນການຫົດໃນປີ ທີ 3 ໜຶ່ງຕົ້ນຈະສາມາດໃຫ້ຜົນ ຜະລິດ 12 ຫາ 15 ກິໂລ ແລະ ປີຕໍ່ໆໄປຈະໄດ້ປະມານ 70 ກິໂລ. ສຳລັບການເກັບຜົນຜະ ລິດຂາຍໃນປີຜ່ານມາປະຕິບັດ ໄດ້ທັງໝົດ 3.000 ກິໂລ ໃນ ນັ້ນ 50% ຂອງຜົນຜະລິດ ແມ່ນສົ່ງຂາຍບໍ່ຄຳເຫຼືອນັ້ນ ແມ່ນຂາຍພາຍໃນເມືອງໃນ ກິໂລລະ 10 ພັນກີບ. ເຊິ່ງ ໃນແຕ່ລະປີກໍ່ໄດ້ມີການພັດທະ ນາ ແລະປັບປຸງສາຍພັນໝາກ ກ້ຽງ ເພື່ອໃຫ້ເຂົ້າກັບສະພາບ ແວດລ້ອມ ທັງນີ້ແນໃສ່ກໍ່ເພື່ອ ໃຫ້ໄດ້ຜົນຜະລິດດີຂຶ້ນເປັນ ລຳດັບ ໂດຍໃນປີ 2020 ຄາດ ວ່າຈະໄດ້ຜົນຜະລິດປະມານ 30 ໂຕນ.


ໂອກາດຢ້ຽມຢາມໃນຄັ້ງ ນີ້, ທ່ານເຈົ້າແຂວງສະຫວັນ ນະເຂດ ກໍ່ໄດ້ເນັ້ນໜັກໃຫ້ອຳ ນາດການປົກຄອງເມືອງລະ ດົມປະຊາຊົນທີ່ມີເງື່ອນໄຂປູກ ໃຫ້ຫຼາຍ ເພື່ອກາຍເປັນສິນຄ້າ ຂອງເມືອງວິລະບູລີ, ສຳລັບ ຄອບຄົວທີ່ປູກແລ້ວ ກໍ່ຕ້ອງເອົາ ໃຈໃສ່ໃນການບົວລະບັດຮັກ ສາເຮັດໃຫ້ຖືກຕ້ອງຕາມເຕັກ ນິກວິຊາການແນະນຳ ເພື່ອ ໃຫ້ ໄດ້ຜົນຜະລິດຫຼາຍ ແລະສົ່ງ ຂາຍເປັນສິນຄ້າໃຫ້ບໍ່ຄຳ ພ້ອມນັ້ນກໍ່ສົ່ງຂາຍພາຍໃນ ແຂວງ ແລະຕ່າງແຂວງຕື່ມອີກ ໃນອະນາຄົດ.

ທີ່ມາ: ສະຫວັນພັດທະນາ