ເມືອງປາກທາ ແຕ່ງຕັ້ງຄະນະສະເພາະກິດ ເຂົ້າແກ້ໄຂປະກົດການຫຍໍ້ທໍ້ ຢູ່ບ້ານຜາຄອຍ

ເມືອງປາກທາ ແຕ່ງຕັ້ງຄະນະສະເພາະກິດ ເຂົ້າແກ້ໄຂປະກົດການຫຍໍ້ທໍ້ ຢູ່ບ້ານຜາຄອຍ

June 18, 2020 0 By admin

ໜັງສືພິມບໍ່ແກ້ວ Bokeo Newspaper, ວັນທີ 17 ມີຖຸນາ ນີ້ ກອງເລຂາຄະນະສະເພາະແກ້ໄຂປະກົດການຫຍໍ້ທໍ້ພາຍໃນ ເມືອງປາກທາ ແຂວງບໍ່ແກ້ວ ໄດ້ແຕ່ງຕັ້ງ ແລະ ລົງມອບພະນັກງານກໍ່ສ້າງຮາກຖານຄະນະສະເພາະກິດ ສົມທົບກັບອໍານາດການປົກຄອງບ້ານ ລົງແກ້ໄຂປະກົດການຫຍໍ້ທໍ້ຢູ່ບ້ານຜາຄອຍ ກຸ່ມຫ້ວຍໂມງ ເມືອງປາກທາ ແຂວງບໍ່ແກ້ວ ຈໍານວນ 5 ສະຫາຍ ແລະ ແກ້ໄຂໃຫ້ສໍາເລັດພາຍໃນ 1 ອາທິດ.

ເຂົ້າຮ່ວມ ມີທ່ານ ຄໍາຈັນ ອິນທະຈັກ ຮອງເລຂາພັກເມືອງ ປະທານກວດກາພັກ-ລັດ ເມືອງປາກທາ ,ມີຄະນະສະເພາະກິດ,  ເລຂາຄະນະພັກຮາກຖານ, ອົງການຈັດຕັ້ງບ້ານເຂົ້າຮວມ.


ຄະນະສະເພາະກິດດັ່ງກ່າວຈະໄດ້ແກ້ໄຂບັນຫາຢາເສບຕິດ, ຂີ້ລັັກງັດແງະ, ການຕັດໄມ້ຊະຊາຍ ແລະ ປືນລ່າເນື້ອປະເພດປືນແກັບ ພ້ອມທັງສຶກສາອົບຮົມການເມືອງແນວຄິດ ແລະ ໃຫ້ປະຊາຊົນຮູ້ເຖິງຜົນຮ້າຍ, ຜົນດີ ຂອງບັນຫາຕ່າງໆ ທັງນີ້ ກໍ່ເພື່ອເຮັດໃຫ້ບ້ານມີຄວາມສະຫງົບ ແລະ ເປັນລະບຽບຮຽບຮ້ອຍ.

ພາບ-ຂ່າວ: ພອນສະຫວັນ ມະນີສີ.