ຊາວແຂວງ ບໍລິຄຳໄຊ ຕ້ອນຮັບຂະບວນແຫ່ຮູບຫລໍ່ພຣະເຈົ້າໄຊຍະເຊດຖາທິຣາດ ຢ່າງຄຶກຄື້ນ

ຊາວແຂວງ ບໍລິຄຳໄຊ ຕ້ອນຮັບຂະບວນແຫ່ຮູບຫລໍ່ພຣະເຈົ້າໄຊຍະເຊດຖາທິຣາດ ຢ່າງຄຶກຄື້ນ

July 27, 2020 0 By admin

ຂປລ. ໃນຕອນທຽ່ງຂອງວັນທີ 27 ກໍລະກົດ 2020 ການນຳພັກ-ລັດ, ພ້ອມດ້ວຍປະຊາຊົນ ແລະຊາວໝຸ່ມ ແຂວງບໍລີຄຳໄຊ ນຳພາໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ເປັນກຽດຕ້ອນຮັບຂະບວນແຫ່ຮູບຫລໍ່ຂອງພຣະຈົ້າໄຊຍະເຊດຖາທິຣາດ ມະຫາຣາດ, ພ້ອມດ້ວຍຊ້າງ ແລະ ພະພຸດທະຮູບ ຢູ່ເທສະບານເມືອງປາກຊັນ ເພື່ອມຸ່ງໜ້າໄປສູ່ຈຸດທີ່ພັກ ຢູ່ໂຮງແຮມ ສຸນັນທາ.

ຖືວ່າເປັນແຂວງທຳອິດທີ່ຂະບວນໄດ້ມາແວ່ພັກຄ້າງຄືນເພື່ອສະເຫລີມສະຫລອງ ຄົບງັນ ແລະ ເຮັດພິທີທາງສາສະໜາ.


ສຳລັບໃນຕອນຄ່ຳໄດ້ມີພິທີສູດປະລິຕະມຸງຄຸນ, ຟັງທຳມະເທສະໜາ ເສີມບຸນປາລະມີຈາກພະສົງ 16 ອົງ, ພ້ອມທັງເປີດໂອກາດໃຫ້ມວນຊົນເຂົ້າກາບໄຫວ້ສັກກະລະບູຊາ ແລະ ໂມທະນາທານຕາມສັດທາ.

ສ່ວນໃນຕອນ ເຊົ້າຂອງວັນທີ 28 ກໍລະກົດ 2020 ຈະມີພິທີໃສ່ບາດແດ່ພຣະສົງ ສາມະເນນ ເພື່ອອຸທິດບຸນກຸສົນເຖີງພະເຈົ້າໄຊຍະເຊດຖາທິຣາດ ມະຫາຣາດ ກ່ອນຈະເຄື່ອນຍ້າຍໄປສູ່ ແຂວງຄຳມ່ວນ.