ປະກາດສ້າງຕັ້ງກອງຮ້ອຍປ້ອງກັນຕົວລັດວິສາຫະກິດໄຟຟ້າລາວແຂວງບໍ່ ແກ້ວ

ປະກາດສ້າງຕັ້ງກອງຮ້ອຍປ້ອງກັນຕົວລັດວິສາຫະກິດໄຟຟ້າລາວແຂວງບໍ່ ແກ້ວ

July 24, 2020 0 By admin

ໜັງສືພິມບໍ່ແກ້ວ Bokeo Newspaper, ພິທີປະກາດສ້າງຕັ້ງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວ ສາຂາແຂວງບໍ່ແກ້ວ ຈັດຂື້ນໃນວັນທີ 22 ກໍລະກົດ 2020 ທີ່ສະໂມສອນຂອງລັດວິສາຫະກິດໄຟຟ້າລາວ ໂດຍພາຍໃຕ້ການເປັນປະທານ ຂອງສະຫາຍ ພົນຈັດຕະວາ ຄຳສະເຫວີຍ ສິນທະນູໄຊ ຫົວໜ້າກົມທະຫານທອງຖິ່ນ, ສະຫາຍ ພັນໂທ ໂສວັນ ພັນທັນນີ ຮັກສາການຫົວໜ້າຫ້ອງເສນາທິການທະຫານແຂວງບໍ່ແກ້ວ, ມີສະຫາຍ ສົມພັນ ສຸວັນນະລັດ ຫົວໜ້າລັດວິສາຫະກິດໄຟຟ້າລາວ ສາຂາແຂວງບໍ່ແກ້ວ ມີແຂກທີ່ຖືກເຊີນຂັ້ນແຂວງ, ສອງກອງບັນຊາການ ປກສ-ປກຊ ແຂວງ, ພ້ອມດ້ວຍອ້າຍ-ນ້ອງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວເຂົ້າຮ່ວມຢ່າງພ້ອມພຽງ .


ສະຫາຍ ພັນໂທ ສຸບີນ ສີຫາລາດ ຮອງຫົວໜ້າຫ້ອງເສນາທິການ ຂຶ້ນຜ່ານຂໍ້ຕົກລົງຂອງປະທານ ປກສ – ປກຊແຂວງ ວ່າດ້ວຍການສ້າງຕັ້ງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວ ສາຂາແຂວງບໍ່ແກ້ວ. ສະບັບເລກທີ 14/ປທ.ປກສ-ປກຊ ລົງວັນທີ 22 ກໍລະກົດ 2020.

ຈາກນັ້ນສະຫາຍ ສົມພັນ ສຸວັນນະລັດ ຫົວໜ້າລັດວິສາຫະກິດໄຟຟ້າລາວ ກໍ່ໄດ້ຂື້ນຜ່ານບົດລາຍງານການກະກຽມຄວາມພ້ອມການກໍ່ສ້າງ ກອງຮ້ອຍປ້ອງກັນຕົວ ທີ່ຄະນະຮັບຜິດຊອບໄດ້ພ້ອມກັນເອົາໃຈໃສ່ຢ່າງຕັ້ງໜ້າ ບົນພື້ນຖານເຫັນໄດ້ຄວາມສຳຄັນຂອງວຽກງານປ້ອງກັນຊາດປ້ອງກັນຄວາມສະຫງົບ.ໃນການເຮັດໜ້າທີ່ປ້ອງກັນຂອບເຂດຮັບຜິດຊອບຂອງຕົນ, ປະກອບສ່ວນຮັບໃຊ້ໜ້າທີ່ຢ່າງເປັນຂະບວນ. ເຊິ່ງມີຈຳນວນພົນ 135 ສະຫາຍ, ຍິງ 27 ສະຫາຍ ແລະ ໄດ້ແຕ່ງຕັ້ງ ສະຫາຍ ສົມພັນ ສຸວັນນະລັດ ເປັນຄະນະຊີ້ນຳລວມ, ສະຫາຍ ສະເວດ ຫຼວງໄຊທຳມະວົງສີ ເປັນຄະນະຊີ້ນຳພາກສະໜາມ, ແຕ່ງຕັ້ງ ທ່ານ ນາງ ສຸດາວອນ ວົງວິໄລ ເປັນຫົວໜ້າກອງຮ້ອຍ, ທານ ບຸນຈັນ ດີປະເສີດ ແລະ ທ່ານ ພຸດສະໄໝ ດາລາວົງ ເປັນຮອງກອງຮອງ.


ໂອກາດນີ້ ພົນຈັດຕະວາ ຄຳສະເຫວີຍ ສິນທະນູໄຊ ກໍ່ໄດ້ຍ້ອງຍໍຊົມເຊີຍຄະນະຮັບຜິຊອບທີ່ໄດ້ເອົາໃຈໃສ່ໃນໜ້າທີ່ວຽກງານຈົນເຮັດໃຫ້ລັດວິສາຫະກິດໄຟຟ້າລາວໄດ້ຮັບການປະກາດເປັນກອງຮ້ອຍກຳລັງສຳຮອງໃນມີນີ້ ເຊິງເປັນກອງຮ້ອຍທຳອິດຂອງແຂວງບໍ່ແກ້ວ. ທ່ານຍັງໄດ້ຍົກໃຫ້ເຫັນເຖິ່ງຄວາມຄວາມໝາຍ, ຄວາມສຳຄັນສຳຄັນຂອງກອງຮ້ອຍປ້ອງກັນຕົວ ແມ່ນເພື່ອເຮັດໜ້າທີ່ໃນການປ້ອງກັນອົງການ, ສຳນັກງານ, ປ້ອງກັນວັດຖຸສິງຂອງຊັບສິນຂອງລັດ, ຜົນປະໂຫຍດລວມໝູ່ ແລະ ການເຄື່ອນໄຫວວຽກງານວິຊາສະເພາະ ນອກນັ້ນຍັງເປັນການເພີ່ມກຳລັງແຮງ, ເປັນກອງໜູນໃຫ້ແກ່ກຳລັງທີ່ປະຈຳການ, ເພື່ອສອດສ່ອງເກັບກຳສະພາບການພ້ອມທັງລະງັບເຫດການທີ່ຈະເກີດຂຶ້ນໃຫ້ວອງໄວ ແລະ ທັນການ.

ຂ່າວ – ພາບ: ສົມໄຊ ສີລາຈັນ.