ຢູເວັນຕຸສ ເສຍທ້າຍເກມໃຫ້ ອູດີເນເຊ້ ລຸ້ນແຊ້ມ ເຊຣີອາ ໃນນັດຕໍ່ໄປ!!

ຢູເວັນຕຸສ ເສຍທ້າຍເກມໃຫ້ ອູດີເນເຊ້ ລຸ້ນແຊ້ມ ເຊຣີອາ ໃນນັດຕໍ່ໄປ!!

July 24, 2020 0 By admin

ການແຂ່ງຂັນເຕະບານ ເຊຣີອາ ອີຕາລີ ລະດູການ 2019-20 ນັດທີ 35 ຄືນຜ່ານມາ (23 ກໍລະກົດ 2020) ຢູເວັນຕຸສ ແຊ້ມເກົ່າ 8 ສະໄໝຊ້ອນ ບຸກໄປຢາມ ອູດີເນເຊ້ ທີມໜີຕົກຊັ້ນ ຖ້າຢູເວ່ຊະນະເປັນແຊ້ມທັນທີ ແຊ້ມເກົ່າເລີ່ມຕົ້ນດີ ນຳກ່ອນໃນເຄິ່ງເວລາທີໜຶ່ງຈາກ: ມາໄທ ເດີລິກ ນາທີ 42′, ແຕ່ເຄິ່ງຫລັງຖືກຍິງແຊງສອງປະຕູຈາກ: ເນັສໂຕຣັອຟສະກີ້ ນາທີ 54′ ແລະ ເຊໂກ້ ໂຟຟານ້າ ທ້າຍເກມໄລຍະຕໍ່ເວລາບາດເຈັບ ນາທີ 90+2′ ຈົບເກມ ອູດີເນເຊ້ ແຊງຊະນະ ຢູເວັນຕຸສ 2-1.

+ ອູດີເນເຊ່ ຊະນະ ຢູເວ່ ຄັ້ງທຳອິດຈາກ 10 ນັດຫລັງສຸດທີ່ພົບກັນ ຜ່ານມາ ສະເໝີ 1 ເສຍ 9 ແລະ ເປັນການຊະນະ ຢູເວັນຕຸສ ໃນບ້ານນັດທຳອິດນັບຕັ້ງແຕ່ປີ 2010.

ເຖິງວ່າ ຢູເວ່ ຈະປະລາໄຊໃນນັດນີ້ ແຕ່ໂອກາດເປັນແຊ້ມລີກສູງສຸດ 9 ສະໄໝຊ້ອນຍັງສົດໃສ ນັດຕໍ່ໄປຊະນະກໍເປັນແຊ້ມທັນທີ ໂດຍຈະເປີດບ້ານພົບກັບ ຊາມໂດເຣຍ ໃນຄືນວັນທີ 26 ກໍລະກົດນີ້. ປະຈຸບັນ ຢູເວ່ ມີ 80 ຄະແນນ ຈາກ 35 ນັດ ນຳອັນດັບສອງ ອັດຕາລັນຕ້າ 6 ຄະແນນ ເຫລືອການແຂ່ງຂັນອີກ 3 ນັດ ແລະ ມີສະຖິຕິການພົບກັນດີກວ່າ ອັດຕາລັນຕ້າ, ຂະນະທີ່ ອູດີເນເຊ້ ຢູ່ທີ 15 ຂອງຕາຕະລາງ ຫ່າງຈາກພື້ນທີ່ຕົກຊັ້ນ 7 ຄະແນນ ໂອກາດລອດສູງ.

ສຳລັບຄືນນີ້ ຈະມີແຂ່ງຂັນໜຶ່ງຄູ່: ເອຊີ ມິລານ ພົບ ອັດຕາລັນຕ້າ ເວລາ 02:45.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Juventus FC