ແຕ່ງຕັ້ງທ່ານ ສົມບູນ ພົມມະປັນຍາ ເປັນຮອງຫົວໜ້າ ພະແນກແຮງງານແລະສະຫວັດດີການສັງຄົມແຂວງຫຼວງພະບາງ

ແຕ່ງຕັ້ງທ່ານ ສົມບູນ ພົມມະປັນຍາ ເປັນຮອງຫົວໜ້າ ພະແນກແຮງງານແລະສະຫວັດດີການສັງຄົມແຂວງຫຼວງພະບາງ

July 23, 2020 0 By admin

ພິທີປະກາດແຕ່ງຕັ້ງຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຫຼວງພະບາງ ໄດ້ຈັດຂື້ນໃນຕອນເຊົ້າວັນທີ 23 ກໍລະກົດ 2020 ທີ່ພະແນກແຮງງານ ແລະ ສະຫວັດດີການສັງຄົມແຂວງ ໂດຍມີທ່ານ ສາຍສະໝອນ ຄົມທະວົງ ຮອງເລຂາພັກແຂວງ ປະທານສະພາປະຊາຊົນແຂວງ,ທ່ານ ສຸລິສັກ ພົມມາລີ ຫົວໜ້າພະແນກ ແຮງງານ ແລະ ສະຫວັດດີການສັງຄົມແຂວງ,ແຂກຮັບເຊີນ ພ້ອມດ້ວຍພະນັກງານເຂົ້າຮ່ວມ.


ທ່ານ ຫຸມແພງ ແກ້ວວິຈິດ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ຕົກລົງຂອງເຈົ້າແຂວງຫຼວງພະບາງ ວ່າດ້ວຍການຍົກຍ້າຍບ່ອນປະຈໍາການພ້ອມດ້ວຍ ຂໍ້ຕົກລົງວ່າດ້ວຍການແຕ່ງຕັ້ງທ່ານ ສົມບູນ ພົມມະປັນຍາ ອະດິດຮັກສາການເລຂາພັກເມືອງປາກອູ ມາເປັນຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ.

ນອກນີ້ຍັງໄດ້ຜ່ານຂໍ້ຕົກລົງຂອງເຈົ້າແຂວງວ່າດ້ວຍການຍົກຍ້າຍບ່ອນປະຈໍາການ ທ່ານ ນາງ ບົວວອນ ສີອຸດົມພັນ ອະດິດຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງນໍ້າບາກ ໄປປະຈໍາຢູ່ພະແນກແຮງງານ ແລະ ສະຫວັດດີການສັງຄົມແຂວງຫຼວງພະບາງ.


ໂອກາດດັ່ງກ່າວ ທ່ານ ສາຍສະໝອນ ຄົມທະວົງ ຮອງເລຂາພັກແຂວງ ກໍໄດ້ກ່າວຕໍ່ພິທີວ່າ ການແຕ່ງຕັ້ງ-ຍົກຍ້າຍບ່ອນປະຈໍາການຂອງພະນັກງານ-ລັດຖະກອນ ຂັ້ນການນໍາພາ ແມ່ນວຽກປົກກະຕິຂອງລະບົບການຈັດຕັ້ງພັກ-ລັດ ເພື່ອພັດທະນາວຽກງານໄປຕາມແຕ່ລະສະໄໝການປົກຄອງ.ພ້ອມນີ້ທ່ານກໍ່ໄດ້ເນັ້ນໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງສືບຕໍ່ຄົ້ນຄ້ວາສຶກສາວຽກງານຈາກໝູ່ຄະນະ ເພື່ອພັດທະນາວຽກງານທີ່ພັດ-ລັດມອບໝາຍໃຫ້ຢ່າງມີປະສິດທິຜົນ ແລະ ໄດ້ຮັບຜົນສໍາເລັດໃນຕໍ່ໜ້າ.

ຂ່າວ: ເພັດສາຄອນ ສິມມະວົງ