ລີເວີພູລ ຄວ້າໄຊເໝືອ ເຊວຊີ ສະຫລອງແຊ້ມ ພຣີເມ່ຍລີກ ທີ່ແອນຟິວ ຢ່າງສະຫງ່າງາມ!!

ລີເວີພູລ ຄວ້າໄຊເໝືອ ເຊວຊີ ສະຫລອງແຊ້ມ ພຣີເມ່ຍລີກ ທີ່ແອນຟິວ ຢ່າງສະຫງ່າງາມ!!

July 23, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 37 ຄືນຜ່ານມາ (22 ກໍລະກົດ 2020) ຫົງແດງ ລີເວີພູລ ທີມແຊ້ມລະດູການນີ້ ເປີດບ້ານແອນຟິວ ຕ້ອນຮັບ ເຊວຊີ ທີ່ຫວັງມີຄະແນນກັບບ້ານ ເພື່ອຊິງຄວາມໄດ້ປຽບ ແມນຢູ ແລະ ເລັສເຕີ ລຸ້ນໂຄຕ້າ ຢູຟ້າ ແຊ້ມປ້ຽນລີກ ຂະນະທີ່ ລີເວີພູລ ຫລັງຈົບນັດນີ້ ຈະມີພິທີມອບຂັນແຊ້ມຢ່າງເປັນທາງການ ດັ່ງນັ້ນຕ້ອງການຜົນທີ່ດີ ເພື່ອສະຫລອງແຊ້ມຢ່າງສະຫງ່າງາມ.

ລີເວີພູລ ເລີ່ມຕົ້ນດິຂຶ້ນນຳກ່ອນ 3-0 ຈາກ: ນາບີ້ ເກອີຕ້າ ນາທີ 23′, ເທັນ ອາເລັກຊານເດີ ອາຣໂນ ນາທີ 38′ ແລະ ຈີນີ້ ໄວນາວດຸ້ມ ນາທີ 43′ ເຊວຊີ ແກ້ໄດ້ໜຶ່ງປະຕູກ່ອນຈົບເຄິ່ງເວລາທີໜຶ່ງຈາກ ໂອຣິວິເຢ້ ຊີຣູ ນາທີ 45+3′ ຈົບຕັ້ງທີໜຶ່ງ ລີເວີພູລ ນຳ ເຊວຊີ 3-1.

ມາເຄິ່ງຫລັງ ຫົງແດງໜີຫ່າງເປັນ ຈາກ: ໂຣແບໂຕ້ ຟີຣມີໂນ້ ນາທີ 54′ ແຕ່ເຊວຊີ ຮຶດສູ້ ຍິງສອງປະຕູລວດ ໄລ່ຂຶ້ນມາ 3-4 ຈາກ: ແທ່ມມີ້ ອາບຣາຮຳ ນາທີ 61′ ແລະ ຄຣິສຕຽນ ປູລີຊິກ ນາທີ 73′ ຢ່າງໃດກໍຕາມ ລີເວີພູລ ມາໄດ້ປະຕູປິດທ້າຍຈາກ ອາເລັກ ອັອກເລດ ແຊມເບີເລນ ນາທີ 84′ ຈົບເກມ ລີເວີພູລ ຊະນະ ເຊວຊີ ແບບສຸດມັນ 5-3.

+ ລີເວີພູລ ບໍ່ເສຍໃນບ້ານສະເພາະເກມ ພຣີເມ່ຍລີກ ລະດູການນີ້ 19 ນັດ ຂະະ 18 ສະເໝີ 1 ທຽບເທົ່າກັບສະຖິຕິສູງສຸດຂອງ ເຊວຊີ ລະດູການ 2005-06, ແມນຢູ ລະດູການ 2010-11 ແລະ Manchester City ລະດູການ 2011-12 ແລະ ລີເວີພູລ ບໍ່ເສຍໃນບ້ານ 3 ລະດູການຕິດຕໍ່ກັນ ເປັນຄັ້ງທຳອິດຂອງສະໂມສອນ.

+ ເຊວຊີ ເສຍປະຕູນອກບ້ານ 18 ຈາກ 19 ນັດ ໃນພຣີເມ່ຍລີກ ລະດູການນີ້ ດີກວ່າພຽງ ແອັສຕັນ ວິນລ້າ ທີ່ເສຍປະຕູນອກບ້ານທຸກນັດ ໃນພຣີເມ່ຍລີກ ລະດູການນີ້.

ລີເວີພູລ ໄດ້ຜົນງານທີ່ດີຕາມເປົ້າໝາຍ ສະຫລອງແຊ້ມ ພຣີເມ່ຍລີກ ລະດູການນີ້ ຢ່າງງົດງາມ ເປັນແຊ້ມລີກສູງສຸດ ຄັ້ງທຳອິດໃນຮອບ 30 ປີ ລວມ 19 ສະໄໝ ຂະນະນີ້ 37 ນັດ ມີ 96 ຄະແນນ, ສ່ວນ ເຊວຊີ ຕົກມາຢູ່ອັນດັບທີ 4, ແຂ່ງ 37 ນັດ ມີ 63 ຄະແນນເທົ່າກັບ ແມນຢູ ແຕກຕ່າງພຽງປະຕູໄດ້ເສຍໜ້ອຍກວ່າ +13 ກັບ +28 ນຳ ເລັສເຕີ ຊິຕີ້ ອັນດັບ 5 ພຽງ 1 ຄະແນນ ລຸ້ນໂຄຕ້າ ແຊ້ມປ້ຽນລີກ ຕໍ່ໄປໃນນັດສຸດທ້າຍ, ໂດຍນັດສຸດທ້າຍຈະເປີດບ້ານພົບກັບ ວູຟແຮມຕັນ ຕ້ອງການພຽງສະເໝີ ໄດ້ສິດໄປ ແຊ້ມປ້ຽນລີກ ແນ່ນອນ, ສ່ວນນັດສຸດທ້າຍຂອງ ລີເວີພູລ ຈະໄປຢາມ ນິວຄາສເຊິນ ແຂ່ງພ້ອມກັນໃນວັນທີ 27 ກໍລະກົດນີ້ ເວລາ 22:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Liverpool FC, Chelsea FC