ນາດາວ ຊ້ອມໜັກ! ກຽມກັບມາແຂ່ງຂັນອີກຄັ້ງໃນເດືອນກັນຍານີ້! ຫວັງປ້ອງກັນແຊ້ມ ເຟັນ ໂອເພັນ 2020

ນາດາວ ຊ້ອມໜັກ! ກຽມກັບມາແຂ່ງຂັນອີກຄັ້ງໃນເດືອນກັນຍານີ້! ຫວັງປ້ອງກັນແຊ້ມ ເຟັນ ໂອເພັນ 2020

July 22, 2020 0 By admin

ຣາຟາເອວ ນາດາວ ນັກເທັນນິສຊາວແອັສປາຍ ມື 2 ຂອງໂລກ ແຊ້ມແກຣນສະແລມ 19 ສະໄໝ ລົງຊ້ອມຂອດດິນ ກຽມກັບມາແຂ່ງຂັນອີກຄັ້ງໃນເດືອນກັນຍາທີ່ຈະມາເຖິງນີ້ ໂດຍຫວັງປ້ອງກັນແຊ້ມ ເຟັນ ໂອເພັນ 2020 ທີ່ຈະມີຂຶ້ນໃນ 27 ກັນຍາ ຫາວັນທີ 11 ຕຸລາ 2020 ທີ່ໂຣລອງ ກາຣັອສ, ນະຄອນຫລວງປາຣີ, ປະເທດຝຣັ່ງ ຫລັງພັກການແຂ່ງຂັນມາຍາວແຕ່ຕົ້ນປີ ຍ້ອນການລະບາດຂອງພະຍາດ ໂຄວິດ-19.

ນາດາວ ວາງແຜນກັບມາແຂ່ງຂັນລາຍການທຳອິດ ມາດຣິດ ໂອເພັນ ຢູ່ນະຄອນຫລວງຂອງແອັສປາຍ ໃນວັນທີ 13 ກັນຍານີ້ ເພື່ອເປັນການອຸ່ນເຄື່ອງທົດສອບຮ່າງກາຍກ່ອນລຸຍແກຣນສະແລມ ເຟັນ ໂອເພັນ 2020 ສ່ວນ ແກຣນສະແລມ ຢູເອັສ ໂອເພັນ ທີ່ນິວຢ໊ອກ ສະຫະລັດອາເມຣິກາ ນາດາວ ອາດບໍ່ຮ່ວມແຂ່ງຂັນ ຍ້ອນຍັງເປັນຫ່ວງຄວາມປອດໄພດ້ານສຸຂະພາບ ເນື່ອງຈາກການລະບາດຂອງພະຍາດ ໂຄວິດ-19 ຍັງຢູ່ມີຄວາມສ່ຽງຕິດເຊື້ອສູງ.

ນາດາວ ໄວ 34 ປີ ເປັນແຊ້ມເກົ່າ ຢູເອັສ ໂອເພັນ ໃນປີຜ່ານມາ ແລະ ເປັນແຊ້ມເກົ່າ ເຟັນ ໂອເພັນ ປີຜ່ານມາເຊັ່ນກັນ, ປີນີ້ ລົງແຂ່ງຂັນ 3 ລາຍການ ລວມ 16 ນັດ ຊະນະ 13 ເສຍ 3 ໄດ້ແຊ້ມ 1 ລາຍການ ເມັກຊິກັນ ໂອເພັນ.

Photo: RAFA NADAL