ວັດຟອດ ເສຍໃຫ້ ແມນຊິຕີ້ 13 ນັດລວດ! ຫລົ່ນສູ່ພື້ນທີ່ຕົກຊັ້ນ! ພຣີເມ່ຍລີກ ນັດທີ 37

ວັດຟອດ ເສຍໃຫ້ ແມນຊິຕີ້ 13 ນັດລວດ! ຫລົ່ນສູ່ພື້ນທີ່ຕົກຊັ້ນ! ພຣີເມ່ຍລີກ ນັດທີ 37

July 22, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 37 ຄືນຜ່ານມາ (21 ກໍລະກົດ 2020)

ວັດຟອດ ປ່ຽນຄູຝຶກໃຫມ່ ເສຍຄາບ້ານໃຫ້ ແມນເຊັສເຕີ ຊິຕີ້ 0-4 ຊິຕີ້ ໄດ້ປະຕູຈາກ: ຣາຮີມ ສະເຕີລິ້ງ ສອງປະຕູ, ຟີວ ໂຟເດັ້ນ ແລະ ລາປັອກ ຜູ້ລະປະຕູ.

+ ແມນຊິຕີ້ ຊະນະ ວັດຟອດ 13 ນັດລວດໃນທຸກລາຍການທີ່ພົບກັນ ໃນນີ້ ຍິງ 50 ປະຕູ ເສຍພຽງ 6 ປະຕູ. ສະເພາະ ລະດູການນີ້ ສອງນັດໄປກັບ 12 ປະຕູ.

+ ເຄວິນ ເດບອຍ ສົ່ງໃຫ້ເພື່ອນຍິງ 19 ຄັ້ງໃນ ພຣີເມ່ຍລີກ ລະດູການນີ້ ທຽບເທົ່າກັບ ເມຊຸດ ໂອຊິວ ໃນລະດູການ 2015-16 ແລະ ຕາມຫລັງສະຖິຕິສູງສຸດຂອງ ເທ່ຍຣີ້ ອ໋ອງຣີ 1 ຄັ້ງ ໃນລະດູການ 2002-03.

ຜົນອີກໜຶ່ງຄູ່ ແອັສຕັນ ວິນລ້າ ເປີດບ້ານເອົາຊະນະ ອາຣເຊນໍລ ແບບວຸດວິດ 1-0 ຈາກປະຕູໂທນຂອງ ເທຊາເກ້ ກອງກາງທີມຊາດເອຢິບ ນາທີ 27′.

+ ແອັສຕັນ ວິນລ້າ ຊະນະ ອາຣເຊນໍລ ໃນບ້ານຕົນເອງເປັນຄັ້ງທຳອິດ ນັບຕັ້ງແຕ່ເດືອນທັນວາ ປີ 1998 ຢຸດສະຖິຕິບໍ່ຊະນະ ເດີ ກັນເນີ້ ໃນບ້ານມາ 17 ນັດລວດ.

+ ອາຣເຊນໍລ ເສຍເປັນນັດທີ 10 ໃນ 3 ລະດູການຕິດຕໍ່ກັນເປັນຄັ້ງທຳອິດ ນັບຕັ້ງແຕ່ລະດູການ 1981-82 ແລະ 1987-88.

ການປະລາໄຊຂອງ ວັດຟອດ ໃນນັດນີ້ ຫລົ່ນມາຢູ່ພື້ນທີ່ຕົກຊັ້ນ ອັນດັບທີ 18 ມີ 34 ຄະແນນຈາກ 37 ນັດ ຂະນະທີ່ ແອັສຕັນ ວິນລ້າ ຊະນະ ອາຣເຊນໍລ ແຊງ ວັດຟອດ ອອກຈາກພື້ນທີ່ຕົກຊັ້ນ ມີ 34 ຄະແນນເທົ່າກັນ ແຕກຕ່າງພຽງປະຕູໄດ້ເສຍລົບໜ້ອຍກວ່າ -26 ວັດຟອດ -27 ນັດສຸດທ້າຍ ວິນລ້າ ໄປຢາມ ເວັສແຮມ ສ່ວນ ວັດຟອດ ໄປຢາມ ອາຣເຊນໍລ, ອີກໜຶ່ງທີມທີ່ໜີຕົກຊັ້ນຄື: ບຣອນມັດ ມີ 31 ຄະແນນ ນັດສຸດທ້າຍໄປຢາມ ເອຟເວີຕັນ ແຂ່ງພ້ອມກັນໃນວັນທີ 27 ກໍລະກົດນີ້.

ສ່ວນ ອາຣເຊນໍລ ໂອກາດລຸ້ນອັນດັບ 5 ແລະ 6 ເພື່ອໄປຫລິ້ນ ຢູໂຣປ້າລີກ ໝົດແລ້ວ, ທາງດຽວຄືຕ້ອງໄດ້ແຊ້ມ ເອຟເອຄັບ ຈະພົບກັບ ເຊວຊີ ໃນວັນທີ 1 ສິງຫານີ້, ຂະນະທີ່ ແມນຊິຕີ້ ບວກເພີ່ມເປັນ 78 ຄະແນນ ໄດ້ອັນດັບສອງແນ່ນອນແລ້ວ ນັດສຸດທ້າຍຂອງ ພຣີເມ່ຍລີກ ຈະເປີດບ້ານພົບກັບ ນໍຣິກ ຊິຕີ້.

ສ່ວນຄືນນີ້ (ກໍລະກົດ) ມີແຂ່ງສອງຄູ່ ນັດທີ 37: ແມນຢູ ພົບ ເວັສແຮມ ເວລາ 00:00 ແລະ ລີເວີພູລ ພົບ ເຊວຊີ ເວລາ 02:15.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Aston Villa FC, Man City