ແຕ່ງຕັ້ງ ພັນເອກ ສີ ທະວີໄຊ ເປັນວ່າການເລຂາຄະນະພັກ ກອງບັນຊາການທະຫານແຂວງສະຫວັນນະເຂດ

ແຕ່ງຕັ້ງ ພັນເອກ ສີ ທະວີໄຊ ເປັນວ່າການເລຂາຄະນະພັກ ກອງບັນຊາການທະຫານແຂວງສະຫວັນນະເຂດ

July 22, 2020 0 By admin

ໃນວັນທີ 21 ກໍລະກົດ 2020 ນີ້ ກອງບັນຊາການທະຫານແຂວງສະຫວັນະເຂດ ໄດ້ຈັດພິທີປະກາດເລຂາ,ຮອງເລຂາຄະນະພັກກອງບັນຊາການທະຫານແຂວງ.ໂດຍການເຂົ້າຮ່ວມເປັນປະທານຂອງສະຫາຍ ພົນຈັດຕະວາ ບຸນລ້ຽງ ແສງພະຈັນ ຄະນະພັກກະຊວງປ້ອງກັນປະເທດ,ຫົວໜ້າກົມປ້ອງກັນພາຍໃນກົມໃຫ່ຍການເມືອງກອງທັບ,ມີສະຫາຍ ວົງເພັດ ໄຊສະຫງວນ ຮອງເລຂາພັກແຂວງ ຫົວໜ້າຄະນະໂຄສະນາອົບຮົມແຂວງ,ມີກົມຈັດຕັ້ງພັກກົມໃຫ່ຍການເມືອງກອງທັບ,ຄະນະພັກ-ຄະນະບັນຊາກອງບັນຊາການທະຫານແຂວງ,ພະນັກງານຫຼັກແຫຼ່ງໃນອົງການ 5 ຫ້ອງ,ມີຄະນະຈັດຕັ້ງແຂວງ ເຂົ້າຮ່ວມ.


ໃນພີທີ ສະຫາຍ ສະຫວັນໄຊ ອາໃສ ຮັກສາການຂະແໜງກໍ່ສ້າງພັກ ຄະນະຈັດຕັ້ງແຂວງ ຂື້ນຜ່ານມະຕິຕົກລົງຂອງຄະນະປະຈຳພັກແຂວງເລກທີ 1302/ຄປພຂ.ສຂ ລົງວັນທີ 21 ກໍລະກົດ 2020 ວ່າດ້ວຍການບົ່ງຕົວແຕ່ງຕັ້ງວ່າການເລຂາ,ຮອງເລຂາ ແລະ ວ່າການປະທານກວດກາຄະນະພັກກອງບັນຊາການທະຫານແຂວງສະຫວັນະເຂດ,ຄະນະປະຈຳພັກແຂວງຕົກລົງແຕ່ງຕັ້ງສະຫາຍ ພັນເອກ ສີ ທະວີໄຊ ເປັນວ່າການເລຂາຄະນະພັກ ກອງບັນຊາການ,ສະຫາຍພັນເອກ ຄຳເພັດ ສຸລິຍະວົງ ເປັນວ່າການ ຮອງເລຂາ ສະຫາຍ ພັນໂທ ຄຳຜົງ ພັດທະນາ ເປັນວ່າການປະທານ ກວດກາພັກກອງບັນຊາການທະຫານແຂວງສະຫວັນະເຂດ.

ໃນໂອກາດນີ້ ສະຫາຍ ວົງເພັດ ໄຊສະຫງວນ ຮອງເລຂາພັກແຂວງ ຫົວໜ້າຄະນະໂຄສະນາອົບຮົມແຂວງ ກໍ່ໄດ້ເປັນກຽດໂອ້ລົມເຊິ່ງສະຫາຍໄດ້ຮຽກຮ້ອງໃຫ້ໃຫ້ພະນັກງານຫຼັກແຫຼ່ງໃນທົ່ວກອງບັນຊາການທະຫານແຂວງ ໂດຍສະເພາະຜູ້ທີ່ໄດ້ຮັບໜ້າທີ່ໃຫ່ມ,ຈົ່ງເອົາໃຈໃສ່ເຮັດວຽກງານສຶກສາອົບຮົມການເມືອງນຳພາແນວຄິດໃຫ້ພະນັກງານສະມາຊິກພັກ-ນັກຮົບເຊື່ອມຊືມກຳແໜ້ນແນວທາງນະໂຍບາຍຂອງພັກກົດໝາຍຂອງລັດ,ຂໍ້ກຳນົດກົດລະບຽບຂອງກອງທັບ.

ເຕົ້າໂຮມຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ,ເຮັດວຽກຕ້ອງປະຕິບັດຕາມຫຼັກການລວມສູນປະຊາທິປະໄຕເປັນໝູ່ຄະນະ,ແບ່ງໃຫ່ບຸກຄົນຮັບພິຊອບ,ມີແບບແຜນວິທີເຮັດວຽກທີ່ສອດຄ່ອງ,ເພື່ອພ້ອມກັນຊີ້ນຳ-ນຳພາກອງບັນຊາການທະຫານແຂວງສະຫວັນະເຂດໃຫ້ມີຜົນງານອັນໃຫ່ມໃຫ່ຍຫຼວງກວ່າເກົ່າ.
ພາບ – ຂ່າວ ພານິດ ພິລາວົງ, ວິທະຍຸກະຈາຍສຽງ ສະຫວັນນະເຂດ