ເຊັນສັນຍາກໍ່ສ້າງໂຮງຮຽນມິດຕະພາບລາວ – ຈີນ ທີ່ ເມືອງຜາອຸດົມ ແຂວງບໍ່ແກ້ວ

ເຊັນສັນຍາກໍ່ສ້າງໂຮງຮຽນມິດຕະພາບລາວ – ຈີນ ທີ່ ເມືອງຜາອຸດົມ ແຂວງບໍ່ແກ້ວ

July 22, 2020 0 By admin

ໜັງສືພິມບໍ່ແກ້ວ Bokeo Newspaper, ໃນວັນທີ 21 ກໍລະກົດ ຢູ່ທີໂຮງແຮມໝອນທອງ ໄດ້ມີພິທີເຊັນສັນຍາໂຄງການຊ່ວຍເຫລືອໃນການກໍ່ສ້າງໂຮງຮຽນມິດຕະພາບລາວ-ຈີນບ້ານວັງເຫລັກ ແລະ ບ້ານຫາດຫນາມ ເມືອງຜາອຸດົມ ແຂວງບໍ່ແກ້ວ ລວມມູນຄ່າຊ່ວຍເຫລືອທັງຫມົດ500.000 ໂດລາສະຫະລັດ.

ເພື່ອນໍາໃຊ້ເຂົ້າໃນການກໍ່ສ້າງຄື:ໂຮງຮຽນປະຖົມສົມບູນວັງເຫຼັກ ປູກສ້າງອາຄານຮຽນປະຖົມ 1 ຫຼັງ 4 ຫ້ອງຮຽນ, ອາຄານຮຽນອະນຸບານ 1ຫຼັງ 2ຫ້ອງຮຽນ, ປັບປຸງເດີ່ນກິລາແລະສະໜອງອຸປະກອນການຮຽນ-ການສອນ)ເຊິ່ງຕັ້ງຢູ່ບ້ານວັງເຫຼັກ(ເຂດລະອ່າງ); ເມືອງຜາອຸດົມ, ແຂວງບໍ່ແກ້ວ.

ໂຮງຮຽນປະຖົມສົມບູນຫາດໜາມ ປູກສ້າງອາຄານຮຽນອະນຸບານ 1 ຫຼັງ 1 ຫ້ອງຮຽນ, ສະໜອງອຸປະກອນການຮຽນ-ການສອນ)ເຊິ່ງຕັ້ງຢູ່ບ້ານຫາດໜາມ, ເມືອງຜາອຸດົມ, ແຂວງບໍ່ແກ້ວ.ໂຮງຮຽນມັດທະຍົມຕອນຕົ້ນຫາດໜາມ (ປູກສ້າງອາຄານຮຽນ 1 ຫຼັງ 6 ຫ້ອງຮຽນ ແລະ ສະໜອງອຸປະກອນການຮຽນ-ການສອນ) ທີ່ບ້ານຫາດໜາມ,ເມືອງຜາອຸດົມ, ແຂວງບໍ່ແກ້ວ.


ພິທີເຊັນສັນຍາມອບ-ຮັບໂຄງການຊ່ວຍເຫລືອດັ່ງກ່າວ ທ່ານ ຫລິວ ຈ້ຽນ ( Mr LIU JIAN ) ຜູ້ອໍານວຍບໍລິສັດໄຟຟ້ານ້ຳທາ1 ຂຶ້ນເຊັນມອບ.ໂຄງການຊ່ວຍເຫລືອ ,ທ່ານ ຈອມສີ ລັດຕະນະປັນ ຄະນະປະຈຳພັກແຂວງ ຮອງເຈົ້າແຂວງໆບໍ່ແກ້ວ ຕາງຫນ້າອົງການປົກຄອງແຂວງບໍ່ແກ້ວ ຂື້ນເຊັນຮັບໂຄງການຊ່ວຍເຫລືອດັ່ງກ່າວ.ທ່ານ ປຄຳມະນີ ອິນທິລາດ ໃນນາມປະທານສະມາຄົມມິດຕະພາບລາວ-ຈີນ ຂຶ້ນເຊັນເປັນພິຍານຝ່າຍຜູ້ມອບໂຄງການຊ່ວຍເຫລືອ, ທ່ານ ວິລະວັດ ເທບພິທັກ ຮອງຫົວຫນ້າຫ້ອງການກະຊວງສຶກສາ ຂື້ນເຊັ່ນເປັນພະຍານຝ່າຍຜູ້ຮັບໂຄງການຊ່ວຍເຫລືອ.

ພາບ-ຂ່າວ : ຄຳພັນ ແກ້ວມະນີ