ໂຣນາວໂດ້ ຍິງຫລັກ 50 ປະຕູາ ຊ່ວຍ ຢູເວ່ ປາບ ລາຊີໂອ້ ໜີຫ່າງທີສອງ 8 ຄະແນນ! ເຊຣີອາ ນັດທີ 34

ໂຣນາວໂດ້ ຍິງຫລັກ 50 ປະຕູາ ຊ່ວຍ ຢູເວ່ ປາບ ລາຊີໂອ້ ໜີຫ່າງທີສອງ 8 ຄະແນນ! ເຊຣີອາ ນັດທີ 34

July 21, 2020 0 By admin

ການແຂ່ງຂັນເຕະບານ ເຊຣີອາ ອີຕາລີ ລະດູການ 2019-20 ນັດທີ 34 ຄືນຜ່ານມາ (20 ກໍລະກົດ 2020) ຢູເວັນຕຸສ ແຊ້ມເກົ່າ 8 ສະໄໝຊ້ອນ ເປີດບ້ານເອົາຊະນະ ລາຊີໂອ້ ຜູ້ທ້າຊິງແຊ້ມໃນລະດູການນີ້ ແບບວຸດວິດ 2-1 ຢູເວ່ ໄດ້ສອງປະຕູໃນເຄິ່ງຫລັງຈາກ: ຄຣິສເຕຍໂນ້ ໂຣນາວໂດ້ ສັງຫານຈຸດໂທດນາທີ 51′, ແລະ ຍິງປະຕູທີສອງໃນນາທີ 54′, ລາຊີໂອ້ ແກ້ໄດ້ໜຶ່ງປະຕູຈາກ: ຊີໂຣ້ ອິມໂມເບເລ່ ນາທີ 83′.

+ ຄຣິສເຕຍໂນ້ ໂຣນາວໂດ້ ສ້າງສະຖິຕິເປັນນັກເຕະຄົນທຳອິດຍິງຫລັກ 50 ປະຕູໃນ 3 ລີກຊັ້ນນຳຂອງເອີຣົບ: ພຣີເມ່ຍລີກ ກັບ ແມນຢູ ຍິງ 84 ປະຕູຈາກ 196 ນັດ, ລາລີກ້າ ກັບ ຣຽວ ມາດຣິດ ຍິງ 311 ປະຕູຈາກ 292 ນັດ ແລະ ເຊຣີອາ ກັບ ຢູເວັນຕຸສ ຍິງ 51 ປະຕູຈາກ 61 ນັດ.

+ ພ້ອມກັນນີ້ ໂຣນາວໂດ້ ເປັນນັກເຕະຄົນທີ 3 ຂອງຢູເວັນຕຸສ ຍິງຫລັກ 30 ປະຕູຕໍ່ໜຶ່ງລະດູການ ແລະ ຍິງຈຸດໂທດ ເປັນປະຕູ 12 ຄັ້ງຕໍ່ໜຶ່ງລະດູການ ເທົ່າກັບສະຖິຕິຂອງ ຊີໂຣ້ ອິມໂມເບເລ່ ແລະ ຈຸຍເຊັບເປ້ ຊິກໂນຣີ້ ສອງກອງໜ້າ ລາຊີໂອ້.

ປະຈຸບັນ ຢູເວ່ ມີ 80 ຄະແນນ ຈາກ 34 ນັດ ນຳອັນດັບສອງ ອິນເຕີ ມິລານ 8 ຄະແນນ ເຫລືອການແຂ່ງຂັນອີກ 4 ນັດ, ຂະນະທີ່ ລາຊີໂອ້ ຢູ່ທີ 4 ຂອງຕາຕະລາງ ຕາມຫຼັງ ຢູເວັນຕຸສ ທີມນຳ 11 ຄະແນນ 5 ນັດຫລັງສຸດບໍ່ພົບກັບໄຊຊະນະ.

4 ນັດສຸດທ້າຍຂອງ ຢູເວ່ ພົບກັບ ອູດີເນເຊ່, ຊາມໂດເຣຍ, ກາເຢຍຣີ້ ແລະ ໂຣມ້າ, ຂະນະທີ່ ລາຊີໂອ້ ຈະພົບກັບ ກາເຢຍຣີ້, ເວໂຣນ້າ, ເບັສຊາ ແລະ ນາໂປລີ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Juventus FC