ເມັສຊີ້ ຍິງ 2 ປະຕູ! ຄອງດາວຍິງສູງສຸດຂອງ ລາລີກ້າ 6 ລະດູການຕິດຕໍ່ກັນ!!

ເມັສຊີ້ ຍິງ 2 ປະຕູ! ຄອງດາວຍິງສູງສຸດຂອງ ລາລີກ້າ 6 ລະດູການຕິດຕໍ່ກັນ!!

July 20, 2020 0 By admin

ລີໂອເນວ ເມັສຊີ້ ກອງໜ້າຊາວອາກຊັງຕິນ ໄວ ປີ ຂອງສະໂມສອນ ບາຣເຊໂລນ້າ ເໝົາສອງປະຕູນັດສົ່ງທ້າຍລາລີກ້າ ລະດູການ 2019-20 ເມື່ອຄືນວັນທີ 19 ກໍລະກົດຜ່ານມາ ນັດທີ່ ບຣາຊ້າ ບຸກຖະຫລົ່ມ ເດປໍຣຕິໂວ້ ອາລາເບັສ 5-0 ສ່ວນອີກສາມປະຕູໄດ້ຈາກດາວຮຸ່ງ ອາຊູ ຟາຕີ້, ລຸຍ ຊົວເຣຊ ແລະ ເນວສັນ ເຊເມໂດ້.

ເມັສຊີ້ ຍິງປະຕູທີ 444 ຄອງດາວຍິງສູງສຸດຂອງ ລາລີກ້າ ຈາກການລົງຫລິ້ນ 485 ນັດ, ແລະ ເປັນດາວຍິງສູງສຸດຂອງ ລາລີກ້າ ລະດູການທີ 7 ພິເສດ ສາມາດພິຊິດລາງວັນນີ້ 6 ລະດູການຕິດຕໍ່ກັນ, ລະດູການນີ້ ເມັສຊີ້ ຍິງໄດ້ 25 ປະຕູຈາກ 33 ນັດ ເອົາຊະນະ ຄາຣິມ ເບັນເຊມ້າ ກອງໜ້າຊາວຝຣັ່ງຂອງ ຣຽວ ມາດຣິດ ທີມແຊ້ມລະດູການນີ້ 4 ປະຕູ. ນີ້ເປັນຄັ້ງທຳອິດໃນຮອບ 12 ປີ ທີ່ດາວຍິງສູງສຸດຂອງ ລາລີກ້າ ຍິງປະຕູບໍ່ເຖິງ 30 ໜ່ວຍ.

ສະຫລຸບລວມໃນລະດູການນີ້ ລວມທຸກລາຍການ ເມັສຊີ້ ຍິງໄປແລ້ວ ປະຕູ ແຊ້ມປ້ຽນລີກ 2 ປະຕູ, ໂຄປ້າ ເດວເຣ 2 ປະຕູ ແລະ ສະເປນນິສ ຊຸບເປີຄັບ 1 ປະຕູ. ພາລະກິດຕໍ່ໄປໃນລະດູການນີ້ ກຽມນຳທີມລຸ້ນແຊ້ມ ຢູຟ້າ ແຊ້ມປ້ຽນລີກ ນັດທີ 1 ຮອບ 16 ທີມ ບຸກສະເໝີ ນາໂປລີ 11 ນັດທີ 2 ຈະກັບມາຫລິ້ນທີ່ຄໍ້ານູ ໃນວັນທີ 8 ສິງຫານີ້.

ໄຮໄລ້ການຍິງສອງປະຕູຫລ້າສຸດຕາມລິ້ງລຸ່ມນີ້:

Photo: FC Barcelona