ກຽມອັນເຊີນຮູບຫລໍ່ ພຣະເຈົ້າໄຊເຊດຖາທິຣາດ ໄປປະດິດສະຖານໄວ້ ຫໍພິພິທະພັນພຣະເຈົ້າໄຊເຊດຖາ ທີ່ບ້ານຫາດຊາຍຂາວ ເມືອງໄຊເຊດຖາ ແຂວງອັດຕະປື

ກຽມອັນເຊີນຮູບຫລໍ່ ພຣະເຈົ້າໄຊເຊດຖາທິຣາດ ໄປປະດິດສະຖານໄວ້ ຫໍພິພິທະພັນພຣະເຈົ້າໄຊເຊດຖາ ທີ່ບ້ານຫາດຊາຍຂາວ ເມືອງໄຊເຊດຖາ ແຂວງອັດຕະປື

July 19, 2020 0 By admin

Lao National Radio, ປະຈຸບັນການກໍ່ສ້າງອະນຸສາວະລີ ສົມເດັດພຣະໄຊຍະເຊດຖາທັມມິກະຣາດເຈົ້າ ຢູ່ແຂວງອັດຕະປືສຳເລັດໃນຂັ້ນພື້ນຖານແລ້ວ ໂດຍສະເພາະບໍລິເວນສວນ, ແທ່ນຕັ້ງຮູບຫລໍ່ອານຸສາວະລີຂອງພຣະເຈົ້າໄຊຍະເສດຖາທິຣາດ ເພື່ອຈາລຶກເຖິງຄຸນງາມຄວາມດີ ແລະເຊີດຊູກຽດສັກສີຂອງວີຣະມະຫາ ກະສັດຕາທິຣາດເຈົ້າ ແນໃສ່ໃຫ້ຄົນຮຸ່ນຫລັງໄດ້ສຶກສາຮຽນຮູ້ເຖິງວິລະກຳ ແລະມູນເຊື້ອອັນພິລະອາດຫານຂອງເຈົ້າໄຊຍະເຊດຖາທິຣາດ.


ທ່ານ ອຸ່ນຫລ້າ ໄຊຍະສິດ, ຮອງເຈົ້າແຂວງໆອັດຕະປື ຜູ້ຮັບຜິດຊອບໂຄງການກໍ່ສ້າງອານຸສາວະລີພະເຈົ້າໄຊຍະເສດຖາທິຣາດ ໃຫ້ສຳພາດວ່າ: ໂຄງການນີ້ເປັນໂຄງການລະດັບຊາດເລີ່ມຈັດຕັ້ງປະຕິບັດນັບແຕ່ປີ 2014 ເປັນຕົ້ນມາ ໂດຍແມ່ນອົງການປົກຄອງແຂວງອັດຕະປື ເຊິ່ງມີທ່ານຈູມມາລີ ໄຊຍະສອນ ອະດີດປະທານປະເທດ ພ້ອມດ້ວຍພັນລະຍາ ເປັນປະທານທີ່ປຶກສາ ກິຕິມະສັກເປັນຜູ້ຊີ້ນໍາ – ນໍາພາໃນການກໍ່ສ້າງ.

ສຳລັບທຶນຮອນແມ່ນໄດ້ມາຈາກການປະກອບສ່ວນສົມທົບຂອງທົ່ວປວງຊົນເຊື້ອຊາດລາວ ທັງພາຍໃນ ແລະ ຕ່າງປະເທດ ລວມເຖິງການອຸປະຖໍາຫຼັກຂອງໂຄງການບໍ່ຄໍາວັງຕັດ ເມືອງຊານໄຊ ແຂວງອັດຕະປື ມູນຄ່າທັງໝົດ 39 ຕື້ກີບ.


ໂອກາດນີ້ຮອງເຈົ້າແຂວງອັດຕະປື ໄດ້ເຊີນຊວນປະຊາຊົນລາວບັນດາເຜົ່າ ແລະການຈັດຕັ້ງທຸກພາກ ສ່ວນຮ່ວມກັນເປັນເຈົ້າພາບເຈົ້າສັດທາໃນພິທີສະເຫຼີມສະຫຼອງພຣະບໍຣົມມະຮູບເໝືອນ ສົມເດັດພຣະໄຊຍະເຊດຖາທິຣາດເຈົ້າ ພຣະວີຣະມະຫາຣາດຊົງຊ້າງ ຈະຈັດຂື້ນຢ່າງເປັນທາງການລະຫວ່າງວັນທີ 21 ຫາ 26 ກໍລະກົດນີ້ ທີ່ຫໍທຳມະສະພາ ວັດພະທາດຫລວງເໜືອ ນະຄອນຫລວງວຽງຈັນ

ກ່ອນຈະອັນເຊີນໄປປະດິດສະຖານໄວ້ເທິງພຣະແທ່ນອະນຸສາວະລີພຣະເຈົ້າໄຊເຊດຖາ ທີ່ບ້ານຫາດຊາຍຂາວ ເມືອງໄຊເຊດຖາ ແຂວງອັດຕະປື.