ນາໂປລີ ດວນຈຸດໂທດຊະນະ ຢູເວັນຕຸສ ຄວ້າແຊ້ມ ໂຄປາ ອີຕາເລຍ 2019-20

ນາໂປລີ ດວນຈຸດໂທດຊະນະ ຢູເວັນຕຸສ ຄວ້າແຊ້ມ ໂຄປາ ອີຕາເລຍ 2019-20

June 18, 2020 0 By admin

ການແຂ່ງຂັນເຕະບານ ໂຄປາ ອີຕາເລຍ ລະດູການ 2019-20 ຮອບຊິງຊະນະເລີດ ຄືນຜ່ານມາ (17 ມິຖຸນາ 2020) ນາໂປລີ ແຊ້ມ 5 ສະໄໝ ພົບກັບ ຢູເວັນຕຸສ ແຊ້ມສູງສຸດ 13 ສະໄໝ ທີ່ສະໜາມສະຕາດີໂອ ໂອລິມປີໂກ້ ໃນນະຄອນຫລວງໂຣມ ໂດຍບໍ່ໃຫ້ມີຜູ້ຊົມ ເພື່ອປ້ອງກັນການຕິດເຊື້ອ ໂຄວິດ-19.

ຄູ່ນີ້ ຈົບ 90′ ນາທີ ໂດຍບໍ່ມີການຕໍ່ເວລາພິເສດ ເພື່ອຕັດຮອນການແຂ່ງຂັນໃຫ້ສັ້ນລົງ ຜົນອອກມາບໍ່ມີປະຕູສະເໝີກັນ 0-0 ມາດວນຈຸດໂທດຕັດສິນແຊ້ມ ແລະ ເປັນ ນາໂປລີ ຍິງໄດ້ຄົມກວ່າ ເອົາຊະນະ ຢູເວັນຕຸສ 4-2 ສອງຄົນທຳອິດຂອງຢູເວ່ ຍິງບໍ່ເຂົ້າຄື: ເປົາໂລ ດີບາລ່າ ແລະ ດານີໂລ້ ສ່ວນ 4 ຄົນຂອງ ນາໂປລີ ຍິງເຂົ້າໝົດ, ນາໂປລີ ຄວ້າແຊ້ມ ໂຄປາ ອີຕາເລຍ ສະໄໝທີ 6 ໃນຮອບ 6 ປີ ຕໍ່ຈາກປີ 2014 ແລະ ເປັນແຊ້ມທຳອິດຂອງ ເກັນນາໂລ້ ກັດຕູໂຊ້ ຄູຝຶກຂອງ ນາໂປລີ ອະດີດກອງກາງທີມຊາດອີຕາລີ.

ນາໂປລີ ຄວ້າສິດໄປຫລິ້ນ ຢູໂຣປ້າລີກ ລະດູການໜ້າແນ່ນອນແລ້ວ ແຕ່ຖ້າຈົບອັນດັບ 1 ໃນ 4 ໃນເຊຣີອາ ຈະໂຍນໂຄຕ້າໃນທີມອັນດັບ 7 ໃນລີກ ເພາະ ນາໂປລີ ຕ້ອງເລືອກໄປລາຍການໃຫຍ່ ຢູຟ້າ ແຊ້ມປ້ຽນລີກ.

Photo: SSC Napoli