ການນໍານະຄອນຫຼວງພະບາງລະນຶກເຖິງເຈົ້າຊາຍແດງ

ການນໍານະຄອນຫຼວງພະບາງລະນຶກເຖິງເຈົ້າຊາຍແດງ

July 16, 2020 0 By admin

ຂ່າວສານຫລວງພະບາງ Luangprabang News, ວັນທີ 15 ກໍລະກົດ 2020 ນີ້ ທ່ານ ຈັນສຸກ ພັນໂດລັກ ເຈົ້ານະຄອນຫຼວງພະບາງ ພ້ອມດ້ວຍຄະນະ ແລະ ບັນດາຫ້ອງການຢູ່ພາຍໃນນະຄອນຫຼວງພະບາງ ໄດ້ນໍາກະຕ່າດອກໄມ້ເຂົ້າຂໍ່ານັບ ຮູບຫຼໍ່ປະທານໄກສອນ ພົມວິຫານ ບ້ານພະບາດໃຕ້ ແລະ ຮູບຫຼໍ່ປະທານ ສຸພານຸວົງ ທີ່ອານຸສາວະລີ ປະທານສຸພານຸວົງ ບ້ານນາວຽງຄໍາ ເພື່ອລະນຶກເຖິງບຸນຄຸນຂອງປະທານສຸພານຸວົງ ໃນໂອກາດວັນເກີດປະທານ ສຸພານຸວົງ ຄົບຮອບ 111 ປີ(13/7/1909-13/7/2020).

ຈາກນັ້ນກໍ່ໄດ້ມີຮາກຖານສະຫະພັນແມ່ຍິງຫ້ອງວ່າການປົກຄອງແຂວງ ເຂົ້າວາງກະຕ່າດອກໄມ້ ເພື່ອຂໍ່ານັບ ແລະ ລະນຶກເຖິງຄຸນງາມຄວາມດີຂອງປະທານ ສຸພານຸວົງ ແລະ ໃນໂອກາດສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ( 20/7/1955-2020 ).

.


ເວລາຕໍ່ມາທີ່ສະໂມສອນໃຫຍ່ຂອງແຂວງ ສະຫະພັນແມ່ຍິງຫ້ອງວ່າການປົກຄອງແຂວງ ກໍໄດ້ຈັດພິທີປາຖະກາຖາວັນສ້າງຕັ້ງສະຫະພັນຍິງລາວ ໂດຍມີທ່ານ ນາງ ອິນທະວອນ ພົມມະຈັນ ປະທານສະຫະພັນແມ່ຍິງແຂວງ ໃຫ້ກຽດຫວນຄືນມູນເຊື້ອຂອງວັນດັ່ງກ່າວ,ເຊິ່ງທ່ານໄດ້ຍົກໃຫ້ເຫັນປະຫວັດແຫ່ງການກໍາເນີດ ເຕີບໃຫຍ່ຂະຫຍາຍຕົວ ແລະ ຜົນງານຫລາຍດ້ານທີ່ຍາດມາໄດ້ຕະຫຼອດໄລຍະ 65 ປີ

ຂ່າວ: ເພັດສາຄອນ ສິມມະວົງ