ປະກາດແຕ່ງຕັ້ງ ສະຫາຍ ພັນເອກ ແປ້ນຄໍາ ບຸດຈັນແພງ ເປັນຮັກສາການຫົວໜ້າການເມືອງກອງບັນຊາການທະຫານແຂວງຫຼວງພະບາງ

ປະກາດແຕ່ງຕັ້ງ ສະຫາຍ ພັນເອກ ແປ້ນຄໍາ ບຸດຈັນແພງ ເປັນຮັກສາການຫົວໜ້າການເມືອງກອງບັນຊາການທະຫານແຂວງຫຼວງພະບາງ

July 16, 2020 0 By admin

ພິທີປະກາດແຕ່ງຕັ້ງຮັກສາການຫົວໜ້າການເມືອງ ແລະ ການທະຫານກອງບັນຊາການທະຫານແຂວງຫຼວງພະບາງ ໄດ້ຈັດຂື້ນຢ່າງເປັນທາງການໃນຕອນເຊົ້າຂອງວັນທີ 15 ກໍລະກົດ 2020 ນີ້. ທີ່ສະໂມສອນຂອງກອງບັນຊາການ.

ໂດຍພາຍໃຕ້ການເປັນປະທານ ຂອງສະຫາຍ ປ.ອ ພົນຕີ ວົງຄໍາ ພົມມະກອນ ຄະນະປະຈໍາພັກກະຊວງ ຫົວໜ້າກົມໃຫ່ຍພະລາທິການກອງທັບ,ມີສະຫາຍ ສາຍສະໝອນ ຄົມທະວົງ ຮອງເລຂາພັກແຂວງ ປະທານສະພາປະຊາຊົນແຂວງ ມີຄະນະພັກ – ຄະນະບັນຊາ ປກຊ – ປກສ ແຂວງ,ບັນດາພະແນກການກົມກອງອ້ອມຂ້າງແຂວງ, ອົງການ 5 ຫ້ອງ ແລະ ພະນັກງານຫຼັກແຫຼ່ງກົມກອງທົ່ວທະຫານແຂວງເຂົ້າຮ່ວມ.


ສະຫາຍ ພົນຈັດຕະວາ ພູມີ ດາລາເພັດ ຄະນະພັກອົງການກົມໃຫ່ຍ ຫົວໜ້າກົມພະນັກງານກົມໃຫ່ຍການເມືອງກອງທັບ ໄດ້ຜ່ານຂໍ້ຕົກລົງວ່າດ້ວຍການອະນຸມັດ ໃຫ້ນາຍທະຫານ ຢູ່ກອງບັນຊາການທະຫານແຂວງຫຼວງພະບາງ ພັກການຮັບເບ້ຍບໍານານຕາມອາຍຸການ,ໃນນີ້ຕົກລົງ ໃຫ້ສະຫາຍ ພົນຈັດຕະວາ ຄໍາຫຼ້າ ວົງວິໄລ ຫົວໜ້າການທະຫານກອງບັນຊາການທະຫານແຂວງຫຼວງພະບາງ ພັກການຮັບເບ້ຍບໍານານ.

ຜ່ານຂໍ້ຕົກລົງແຕ່ງຕັ້ງ ສະຫາຍ ພັນເອກ ແປ້ນຄໍາ ບຸດຈັນແພງ ເປັນຮັກສາການຫົວໜ້າການເມືອງກອງບັນຊາການທະຫານແຂວງຫຼວງພະບາງ ແລະ ສະຫາຍ ພັນເອກ ວິຫຼ່ຽມ ວົງທິສານ ຮັກສາການຫົວໜ້າການທະຫານກອງບັນຊາການທະຫານແຂວງ. ພ້ອມດຽວກັນນີ້ຍັງໄດ້ແຕ່ງຕັ້ງສະຫາຍ ພັນເອກ ສີວິໄຊ ເພັງສັນຕິສຸກ ເປັນຮອງຫົວໜ້າການເມືອງທັງເປັນຫົວໜ້າຫ້ອງການເມືອງ, ແຕ່ງຕັ້ງສະຫາຍ ພັນໂທ ທອງລາ ວົງໄຊຍະສັກ ເປັນຮອງກອງບັນຊາການ ຮັບຜິດຊອບວຽກງານພະລາທິການທັງເປັນຫົວໜ້າຫ້ອງພະລາທິການຕື່ມອີກ.

ຂ່າວ: ໄຊຍະສອນ ພາບ: ສົມພອນ ສຸວັນທອນ